Kagawad sa barangay, negosyante mitugyan sa armas

Central Mindanao Newswatch - local newspaper

Central Mindanao Newswatch – local newspaper

Isa ka kagawad sa barangay ug isa ka negosyante ang boluntaryo nga mitugyan sa ilang mga armas sa managlahi nga higayon niadtong Marso 5.

Sumala sa taho sa kapolisan sa Lantapan Municipal Police Station, si Dionesio Carrido, hingkod, Kagawad sa Brgy. Alanib ug residente sa Purok 3 sa maong barangay ang boluntaryong mitahan sa iyang kalibre .45 pistola sa kapolisan sa maong munisipyo. Nahigayon kini pasado 11:00 ang takna sa buntag sa Marso 5.

Sa laing bahin, si Serafin Quipanes Abcede, hingkod, negosyante ug residente sab sa dapit ang boluntaryong mitahan sa iyang kalibre .45 pistola sa kapolisan pasado alas 2:10 sa hapon.

Expired na ang lisensya sa mga armas hinungdan boluntayo kining gitugyan ngadto sa kapolisan. Ang mga armas temporaryong gideposito sa supply section sa kapolisan sa Lantapan.

By: Omar Rashid Z. Abdullah

Omar Rashid Z. Abdullah

Read Previous

Bantay Bayan nga akusado sa cattle rustling gisikop sa Kibawe

Read Next

3 female NPA regulars surrender in Maramag