Panid Bisaya
Mayor Galario nakigpulong sa mga residente sa Golden Harvest Village
0
Share this post?
Gipasiugdahan ni Valencia City Mayor Amie Galario ang isa ka importante nga panagpulong kauban ang mga residente ug representante sa Golden Harvest Village niadtong Hulyo 29, 2025
Sumala sa Facebook post sa City Government sa Valencia, ang maong meeting naghisgot sa mga girekomendar nga lakang, sama sa adjustment sa buwanang bayad sa housing, pagpaayo sa suplay sa tubig, pagtukod sa village hall ug covered court, ug pag-instalar sa mga street light aron mapalig-on ang kahayag ug seguridad sa lugar.
Gipasalig ni Mayor Galario nga ang tanang suhestyon ug rekomendasyon pagatun-an ug ikoordinar sa mga opisinang may kalambigitan aron matubag kini sa tukmang paagi.
Dugang sa kasayoran, nga ang panagpulong isa ka timaan sa padayon nga pakig-alyansa sa lokal nga panggamhanan ug sa mga komunidad aron masiguro ang maayong serbisyo ug kahimtang sa matag residente sa Valencia City. (melbmadera)
Latest Article
Related Post
Pasado alas 10:00 sa buntag sa Marso 19, 2026, manumpa sa katungdanan ang kapin sa 5,000 ka bag-ong na-promote nga mga magtutudlo sa Rehiyon 10 Gibutyag kini ni DepEd Bukidnon sports official Ariel Montecalvo atol sa press briefing kaniadtong Marso 16, 2026, sa Centennial Stage sa Malaybalay City, Bukidnon. Ang mass oath-taking ceremony ipahigayon sa...
Mikabat sa 118 sa 130 ka kwalipikadong benepisyaryo nga mga octogenarian ug nonagenarian sa Malaybalay ang nakadawat na sa ilang cash gift nga nagkantidad og P10,000 matag usa Sa maong ihap, kinatibuk-ang P1,180,000 ang natunol ngadto sa mga benepisyaryo nga gikan sa 46 ka barangay sa dakbayan. Sumala sa kasayoran, gipahigayon ang payout kaniadtong...
Ang Manobo Indigenous Cultural Community sa Barangay Mendis, Pangantucan, Bukidnon, nagtapok na usab aron sa pag-obserbar sa ilang tinuig nga ritwal nga Salilay ta Karatungan kaniadtong Marso 14, 2026, sa Sitio Mandum Sumala sa kasayoran sa munisipyo sa Pangantucan, gihimo kini isip pagpasidungog sa balaang Bukid Kalatungan sa Bukidnon. Pinangunahan ni Datu “Sulutan Karatung Intuyadag”...