Nasikop sa hiniusang puwersa sa kapolisan ang No. 1 most wanted person sa Munisipyo sa Baungon buntag sa Pebrero 24 sa Purok 4, Brgy. San Vicente, Baungon, Bukidnon.

Si Police Col. Jun Mark J. Lagare, provincial director sa Bukidnon Police Provincial Office (BPPO), niila sa akusado nga si Christopher Bulalahos Jr. y Valenciano, 34, minyo, mag-uuma, residente sa dapit, miyembro sa Lundahan Criminal Gang/Group ug Top 1 Most Wanted Person sa maong munisipyo.

Gisikop siya pinasubay sa warrant of arrest sa kasong Complex Crime of Multiple Attempted Murder nga nakadokit sa kaso kriminal numero 10-02-4029 nga giisyu ni Huwis Evelyn Gamotin Nery, acting presiding judge sa RTC, 10th Judical Region, Branch 11, Manolo Fortich, Bukidnon pinetshan Agusto 30, 2017 ug Complex Crime of Multiple Murder nga nakadokit sa kaso kriminal numero 10-07-4148 nga giisyu ni Huwis Jeanne Marie Abarrientos Sabio, presiding Judge sa RTC, 10th Judicial Region, Branch 11, Manolo Fortich, Bukidnon pinetsahan Hulyo 24, 2018.

Si Bulalahos nasikop sa mga miyembro sa Baungon Municipal Police Station, Regional Mobile Force Battalion (RMFB) 10, 1004th RMFB10, Provincial ug Regional Intelligence Units.