Thursday, November 27, 2025

Panid Bisaya

Nutrisyon: Pundasyon sa tanang programa sa panglawas
cmn

0

0
Central Mindanao Newswatch - local newspaper

Share this post?

Facebook
Twitter
LinkedIn

β€œπΌ π‘π‘œπ‘›π‘ π‘–π‘‘π‘’π‘Ÿ π‘›π‘’π‘‘π‘Ÿπ‘–π‘‘π‘–π‘œπ‘› π‘Žπ‘  π‘‘β„Žπ‘’ π‘π‘œπ‘Ÿπ‘›π‘’π‘Ÿπ‘ π‘‘π‘œπ‘›π‘’ π‘œπ‘“ π‘Žπ‘™π‘™ β„Žπ‘’π‘Žπ‘™π‘‘β„Ž π‘π‘Ÿπ‘œπ‘”π‘Ÿπ‘Žπ‘šπ‘ . π‘ƒπ‘Žπ‘” π‘›π‘Žπ‘€π‘Žπ‘™π‘Ž π‘Žπ‘›π‘” π‘π‘œπ‘Ÿπ‘›π‘’π‘Ÿπ‘ π‘‘π‘œπ‘›π‘’, π‘’π‘£π‘’π‘Ÿπ‘¦π‘‘β„Žπ‘–π‘›π‘” π‘π‘Ÿπ‘’π‘šπ‘π‘™π‘’. π‘†π‘œ, π‘‘β„Žπ‘Žπ‘‘β€™π‘  β„Žπ‘œπ‘€ π‘–π‘šπ‘π‘œπ‘Ÿπ‘‘π‘Žπ‘›π‘‘ π‘›π‘’π‘‘π‘Ÿπ‘–π‘‘π‘–π‘œπ‘› 𝑖𝑠 π‘ π‘Ž β„Žπ‘’π‘Žπ‘™π‘‘β„Ž π‘π‘Ÿπ‘œπ‘”π‘Ÿπ‘Žπ‘š. 𝐼𝑛 π‘’π‘£π‘’π‘Ÿπ‘¦ π‘Žπ‘ π‘π‘’π‘π‘‘ π‘œπ‘“ β„Žπ‘’π‘Žπ‘™π‘‘β„Ž, π‘›π‘’π‘‘π‘Ÿπ‘–π‘‘π‘–π‘œπ‘› 𝑖𝑠 π‘£π‘’π‘Ÿπ‘¦ π‘–π‘šπ‘π‘œπ‘Ÿπ‘‘π‘Žπ‘›π‘‘.”

Mensahe kini sa pakigpolong ni Dr. Jose Rhoel De Leon, Bukidnon Provincial Health Sector Overseer, ang nagrepresenta kang Governor Rogelio Neil P. Roque sa gilusad nga Barangay Nutrition Scholars (BNS) Forum and Recognition Day 2023, Nobyembre 21, 2023.

Nahigayon ang kalihokan sa Kaamulan Open Theater, Kaamulan Park, Malaybalay City, Bukidnon.

Gipasabot ni Dr. De Leon ngadto sa gikunsidera nga local heroes – ang BNS, nga ang nutrisyon mahinungdanon nga bahin sa kahimsog ug kalambuan. Ingon niya, nga kini may kalabotan sa pagpauswag sa kahimsog sa bag-ong himugso nga mga bata, ingon man sa mga inahan para sa mas lig-on nga immune system aron makalikay sa risgo sa non-communicable diseases, sama sa diabetes ug cardiovascular disease.

Mipadangat usab sa ilang mensahe-pagsuporta sa programa sa maayong panglawas sila Board Members Minerva Casinabe ug Ranulfo Jose Pepito, Jr.

Gipasalamatan ni Dr. Gary Guido C. Tabios, Jr, Provincial Health Officer si Gov. Roque sa nagapadayon nga mga programa sa Monitoring and Evaluation of Local Level Plan Implementation (MELLPI) Pro.

Butyag niya nga sa lima (5) ka probinsya sa Northern Mindanao, ang Bukidnon lamang ang nagpahigayon sa evaluation ngadto sa component LGUs niini.

Gipaambit sa dinapit nga mamomolong nga si Sherill Faith Espaňola, City Nutrition Program Coordinator sa Cagayan de Oro City ang ilang mga estratihiya o best practices sa pagpatuman sa nutrition program sa dakbayan.

Sa samang higayon, gipasidunggan sa Provincial Government of Bukidnon (PGB) ang mga aktibong lumilihok sa nutrisyon.

Sa 2022 Provincial Outstanding BNS: nag-una ang Barangay Kiara, Don Carlos; gisundan sa Sto. Niňo, Manolo Fortich; Poblacion, Impasugong; Laturan, Libona; ug San Jose, San Fernando.

Sa 2022 Provincial Outstanding Municipal Action Officer, 1. Ang MNAO sa Manolo Fortich, 2. Cabanglasan, 3. Sumilao, 4. Libona, 5. Don Carlos, 6. Maramag, 7. Pangantucan ug San Fernando, 8. Kitaotao, 9. Lantapan, ug 10. Impasugong.

Sa 2022 Provincial Outstanding Municipal Nutrition Committee, top 10 ang mosunod: Sumilao, Cabanglasan, Maramag, Pangantucan, San Fernando, Kitaotao, Impasugong, Lantapan, Talakag, ug Dangcagan.

Samtang Nutrition Honor Awardees ang mosunod nga LGUs: Manolo Fortich, Quezon, Don Carlos, Libona, ug Kadingilan.

Giila usab sa PGB ang kontribusyon sa mga BNS nga nagpahinungod sa ilang kinabuhi sa pagserbisyo sa katawhan sa barangay sulod sa taas nga panahon.

Ang MELLPI Pro mao ang monitoring and evaluation mechanism alang sa pagpatuman sa Philippine Plan of Action for Nutrition sa local level nga gihimo sa matag tuig sa interagency nutrition evaluation team sa national, regional, ug local levels. (PGO-PAIA Division)

Latest Article

2,000 endemic tree seedlings gitanum sa Creek sa Natid-asan
73-anyos nga lalaki gipusil sa Malaybalay
2 Milisya ng Bayan misurender
Age requirement sa Senior Citizens sa Valencia aron makadawat og allowance gipaubsan
3 NPA rebels mitahan
Lalaki naligsan og excavator sa Pangantucan
Seremonya sa padayon nga pagtukod sa Dialysis Center sa Valencia gipahigayon
Babaye, lalaking drug suspek nakorner sa Kalilangan
Patay’ng lawas sa bayaye, lalaki napalgan sa Kibawe
Bukidnon joins Children’s Month, reaffirms policies vs. CSAEM, OSAEC

Related Post

2,000 endemic tree seedlings gitanum sa Creek sa Natid-asan
Nikabat sa 2,000 native/endemic tree seedlings ang malampusong natanum sa Ngog-ngog Creek sa Sitio Natid-asan, Brgy. Casisang, Malaybalay City, Bukidnon Matod sa Facebook post ni Mayor Jay Warren R. Pabillaran, ang kalihokan napahigayon kaniadtong Nobyembre 22, 2025. Β  Ang maong Tree growing activity alayon sa selebrasyon sa Environmental Awareness Month and National Climate Change Consciousness...
Read More
73-anyos nga lalaki gipusil sa Malaybalay
Gipusil sa wala nailang suspek ang 73-anyos nga lalaki samtang nagkaon sulod sa iyang panimalay sa Purok 10, Brgy. 1, Malaybalay City, Bukidnon, gabii sa Nobyembre 23, 2025 Si Police Lt. Col. Joepet B. Paglinawan, chief of Police sa Malaybalay City Police Station, sa iyang report nag-ingon nga ang biktima dali dayong gidala sa Malaybalay...
Read More
2 Milisya ng Bayan misurender
Duha ka miyembro sa Militia ng Bayan sa New People’s Army ang boluntaryong mi-surrender sa mga otoridad sa managlahing operasyon nga gipasiugdahan sa 2nd Bukidnon Provincial Mobile Force Company (PMFC) sa Don Carlos, Bukidnon, niadtong Nobyembre 22 ug 23, 2025 Sumala sa report sa Police Regional Office 10, sila ilalom sa gi-dismantle nga Sub-Regional Committee...
Read More