Friday, September 12, 2025

Panid Bisaya

Opisyales sa barangay manumpa sa katungdanan

0

Central Mindanao Newswatch - local newspaper

Share this post?

Nanumpa na sa katungdanan ang bag-ong napili nga mga opisyal sa Barangay sa dakbayan sa Malaybalay

Sumala sa kasayoran, ang mass oath-taking ceremony gipasiugda sa Lokal nga Pangagamhanan sa dakbayan ug inabagan sa Department of Interior and Local Government (DILG) niadtong Nobyembre 20, 2023.

Ang mga bag-ong napili nga opisyales gikan sa 46 barangay councils nanumpa atubangan ni Huwis Edmundo V. Raagas sa entablado sa Bukidnon State University Gym. Nanguna sa pagsaksi sa seremonya si Mayor Jay Warren R. Pabillaran kauban ang konseho sa Malaybalay nga gipangulohan ni Vice-Mayor Estelito R. Marabe.

Naa usab ang presensya sa Department Heads, bisita ug pamilya sa mga nanumpa. Gipaabot ni Mayor Pabillaran ang iyang hingpit nga suporta ug mainitong pag congratulate sa tanang opisyales nga molingkod diha sa bag-ong katungdanan.

“Buhata inyong mandato nga maka edukar sa katawhan,” sumala pa sa paunang mensahe sa Mayor.

Sa makausa pa, gipahimundom ni Pabillaran nga ang “public office is a public trust” og huptan kini nga pulong alang sa pagserbisyo diha sa matarong.

Sumala pa sa DILG-Malaybalay FB post, nauna na ang mass oath-taking ceremony sa SK Officials niadtong Nobyembre 13, 2023 didto sa People’s Hall, City Hall, Casisang, ning syudad.
(melbmadera)

Related Post

Nakuha ang P795,600.00 nga kantidad sa gidudahang shabu sa buy-bust operation sa Purok 2, Brgy. Bang-bang, Kalilangan, Bukidnon, gabii sa Setyembre 3, 2025 Si Police Captain Romeo M. Arcilla, OIC sa Kalilangan Municipal Police Station (KMPS), sa iyang report, niila sa lalaking 37-anyos nga suspek nga si alyas “Pong-Pong,” kinsa giilang isa ka high value...
Duha ka lalaki ang gipamusil patay sa Purok 7, Brgy. Vintar, Valencia City, Bukidnon hapon sa Setyembre 10, 2025 Sa report ni Police Lt. Col. Bryan M. Panganiban, hepe sa Valencia City Police Station (VCPS), nasayran nga ang duha parehong 45-anyos ug mga residente sa Sityo San Roque, Brgy. Kahapunan sa maong dakbayan. Napakita sa...
Ubos sa kustodiya sa Kadingilan Municipal Police Station (KMPS) ang duha ka babaye kinsa giingong nalambigit sa thief incident nga nahitabo sa Purok 5, Brgy. Poblacion, Kadingilan, Bukidnon, kaniadtong Setyembre 7, 2025 Sumala sa report ni Police Captain Larry T. Malhin, OIC sa Kadingilan MPS, ang mga nasikop nag-edad og 62-anyos ug 37-anyos. Ang duha...