Saturday, August 23, 2025

Panid Bisaya

P11.2M Dairy processing plant gitukod sa Bukidnon

0

Central Mindanao Newswatch - local newspaper

Share this post?

Isa ka Dairy processing plant nga adunay kinatibuk-ang balor nga PhP11,224,221.10 ang gitukod sa Bukidnon

Gipahigayon ang Product Launching ug Turn-over sa Dairy Processing Plant (DPP) sa Brgy. Dalwangan, Malaybalay City niadtong Nobyembre 30, 2023.

Ang proyekto gihimo alang sa Dalwangan Malaybalay United Dairy Agrarian Reform Cooperative (DAMAUDARC).

Mitambong sa kalihokan ang gikan sa National Dairy Authority- Northern Mindanao nga gipangunahan ni Department Manager Mr. Jester John P. Jadap, DOST-X Regional Director Engr. Romela N. Ratilla, Engr. Arlene P. Almo gikan sa POC Bukidnon, ug Ms. Jacqueline Julia Lagamon, acting Provincial Agriculturist.

Diha usab si City Mayor Jay Warren R. Pabillaran ug pipila ka mga miyembro sa 9th Sanggunian, City Agriculture Office-OIC Engr. Richard B. Leono, City Nutritionist Ms. Eza
Canonigo, CAFC Chairperson Mr. Leonard O. Leyros, DAMAUDARC BODs, Punong
Barangay sa Dalwangan nga si Royville G. Pasco, department heads, mga stakeholders, ug ni
former city agriculturist Ms. Remedios R. Sarzuelo.

Si Leono mi-presentar og isa ka video presentation mahitungod sa estado sa DPP.

Nasayran nga ang DPP mibalor sa PhP11,224,221.10.

Ang PhP1,640,000.00 sa pondo gikan sa Department of Science and Technology (DOST), PhP 4,080,000.00 ang gikan sa Department of Agriculture BUB Fund, ug PhP 5,504,221.10 nga kantidad ang gikan sa Local Government Unit (LGU) sa dakbayan.

Gihagit ni Pabillaran sa iyang mensahe ang organisasyon nga lig-onon nila ang ilahang kooperasyon aron malungtaron ang maong proyekto.

Dugang niya nga importante ang pag-tinabangay sa matag-usa ug importante usab ang pinansyal nga aspeto sa grupo nga mamaayo ang pagdumala niini.

Kini, ingon ni Pabillaran, isa sa mga mamahimong hinungdan sa kalamposan sa DPP.

Ang kanhi city agriculturist nga si Sarzuelo mipaambit usab ug isa ka background kung giunsa pagsugod og mugna ang DPP.

Mihatag siya sa dakong pasigarbo nga human sa isa ka dekada nga pagproseso sa mga papeles sa maong proyekto nahuman na kini.

Ingon niya nga nabati na gyud ang kalampusan ug natukod na ang maong pasilidad uban niini ang mga makinarya ug gamit sa pagproseso sa gatas. (Chloe Jean B. Beronilla/melbmadera)

Related Post

Napalgan ang patay’ng lawas sa 58-anyos nga lalaking mag-uuma sa kilid sa irrigation canal sa Purok 5, Brgy. San Martin, Malaybalay City, Bukidnon, hapon sa Agosto 13, 2025 Sumala sa report ni Police Lt. Col. Joepet B. Paglinawan, OIC sa Malaybalay City Police Station, nga ang patay’ng lawas anaa na sa advanced state of decomposition,...
Kaniadtong Agosto 15, 2025, natigayon ang pagtugyan ug acceptance ceremony sa natapos na nga proyekto nga municipal plaza with stage kon Phase V sa Don Carlos, Bukidnon Sumala sa Facebook page sa LGU Bukidnon, si Gobernador Rogelio Neil P. Roque ang nanguna sa kalihokan.   Nabutyag nga ang pondo sa proyekto nikabat og duolan sa...
Ang Department of Agriculture – Regional Field Office 10 nipakita og walo ka nauswag nga barayti sa Adlay atol sa Adlay Farmers’ Field Day sa Northern Mindanao Agricultural Crops and Livestock Research Complex (NMACLRC) sa Brgy. Dalwangan niadtong Agosto 14, 2025 Sumala sa Facebook page sa ahensya, natigayon kini pinaagi sa Research Division ug sa...