Panid Bisaya
Shabu, pistola nasakmit sa buy-bust sa Valencia
0
Share this post?
Nasakmit sa hiniusang puwersa sa kapolisan ang gidudahang shabu ug pistola sa buy-bust operation sa Purok 9, Barangay Lumbo, Valencia City, Bukidnon, pasado alas 3:49 buntag sa Setyembre 3, 2025
Sumala sa report ni Police Lt. Col. Bryan M. Panganiban, hepe sa Valencia City Police Station (VCPS), nasikop nila ang newly-identified nga 44-anyos nga lalaking drug suspek nga si alyas Pido.
Nakuha gikan sa posisyon ni Pido ang gidudahang shabu nga adunay kantidad nga P104,720.
Lakip sab nga nasakmit gikan sa suspek ang kalibre .45 pistola nga walay serial number, nga adunay steel magazine nga kargado sa tulo ka buhing mga bala.
Kauban sa operasyon sa VCPS ang RPDEU 10 ug City Anti-Drugs Special Unit Team (CADSUT), sa koordinasyon sa Provincial Intelligence Unit (PIU) ug Bukidnon PPO.
Giandam na sa kapolisan ang mga kaso batok sa nasikop nga suspetsado. (Diego M. Hidalgo)
Latest Article
Related Post
Gideklarar nga patay na sa wala pa mahiabot sa ospital ang usa ka empleyado sa Local Government Unit sa Malaybalay human siya gipusil sa Sitio Dumayas, Barangay Maligaya, pasado alas 8:20 sa buntag niadtong Marso 27, 2026 Matod sa police report, ang biktima, usa ka 52-anyos, minyo, ug residente sa Purok 5, Barangay Maligaya, nakadawat...
Isa ka 2-anyos nga batang lalaki ang nalumos sa Gastrella Spring Resort, Purok 4, Brgy. Romagooc, Kibawe, Bukidnon, pasado alas 6:20 sa gabii sa Marso 30, 2026 Sumala sa police report, residente ang biktima sa usa sa mga purok sa Barangay Bagor, Kadingilan, Bukidnon. Gisulayan pa sa mga nag-atiman ang pag-resuscitate sa bata, apan...
Isa ka 24-anyos nga lalaki ang nadiskubring gitigbas patay sulod sa iyang payag sa Tigbao Creek, Sityo Intavas, Barangay La Fortuna, Impasugong, hapon sa Marso 26, 2026 Sumala sa police report, ang biktima adunay daghang samad tinigbasan sa duha ka kamot, wala nga abaga, tuo nga hawak, ug ulo. Nasuta nga niinom ang biktima...