Panid Bisaya
Gas Station sa Pangantucan gitulis
0
Share this post?
Gitulis sa duha ka lalaking suspek ang Velox Fuel Station sa Everlasting Village, Brgy. Poblacion, Pangantucan, Bukidnon, buntag sa Setyembre 1, 2025
Nasayran kini sa report ni Police Captain Christopher P. Tuzara II, OIC sa Pangantucan Municipal Police Station (PMPS).
Sa inisyal nga imbestigasyon sa kapolisan, nasuta nga ang cashier ug supervisor sa gasolinahan nag-andam na unta sa pag-ihap sa koleksyon alang sa halin sa niaging adlaw.
Apan, sumala pa, kalit lang nisulod sa ilang opisina ang wala nailhing mga suspetsado ug nagtutok kanila og armas de fuego.
Gitapalan pa sa mga suspetsado og packaging tape ang duha ka mga babayeng empleyado aron dili makalihok.
Pagkahuman, gikuha sa mga suspek ang kwarta nga anaa sa cash drop, nga ang kantidad wala pa matino, ug pagkahuman nilayas paingon sa direksiyon sa Kalilangan, Bukidnon. (Omar Rashid Z. Abdullah)
Latest Article
Related Post
Giablihan sa lokal nga panggobyerno sa Valencia City ang bag-ong Inland Fish ug OrganicProducts Trading Center sa OTP Building, New Terminal, niadtong Oktubre 14, aronmapalapdan ang merkado sa lokal nga mga mag-uuma ug prodyuser sa organikong produkto Ubos sa temang “Promoting Local, Supporting Farmers, and Bringing Fresh and HealthyProducts Closer to the Community,” gitumong sa...
Patay ang isa ka 46-anyos nga lalaki human giingong gitigbasan sa sundang sa isa ka 68-anyosnga suspek human sa panaglalis atol sa ilang pag-inom sa Barangay Basak, Talakag, Bukidnon,sa gabii sa Oktubre 7, 2026. Gibase sa inisyal nga imbestigasyon sa Talakag Municipal Police Station, ang biktima ug angsuspek nag-inom sulod sa isa ka uma sa...
Duha ka 21-anyos nga babaye ang gidakop sa hiniusang buy-bust operation sa kapulisan saPurok 5, Barangay 9, Malaybalay City, alas 3:56 sa hapon niadtong Oktubre 9, 2026, diinnasakmit ang gituohang shabu nga nagkantidad og ₱27,703.20. Gipahigayon ang operasyon sa Drug Enforcement Unit sa Malaybalay City Police Station,kauban ang 1st Bukidnon Provincial Mobile Force Company ug...