Gipahigayon sa Bukidnon Provincial Medical Center (BPMC) ang upat ka adlaw nga libreng operasyon alang niadtong mga pasyente nga ni-qualify sa gihimong screening sa maong hospital ug sa mga Rural Health Units sugod sa nilabay nga bulan

Alayon kini sa gilunsad nga Surgical Mission sa Maharlika Charity Foundation, Inc. sa pakigtimbayayong sa PGB Health Team kaniadtong Agosto 24–29, 2025.

Sa datos sa BPMC, niihap sa 33 ka surgical procedures ang malampusong nahimo: isa (1) ang sa Excision of Anterior Neck Mass, dose (12) sa Subtotal Thyroidectomy, unom (6) sa Total Thyroidectomy, isa (1) sa Multinodular Thyroidectomy, pito (7) sa Cheiloplasty, ug unom (6) sa Palatoplasty.

Samtang ang tulo nga ni-qualify sa operasyon sa clubfoot didto paga-operahan sa Davao City.

Kini nga kalihukan hingpit nga gisuportahan ni Governor Rogelio Neil P. Roque, sanglit isa kini sa iyang agenda ubos sa Universal Health Care and Better Health Services. (pr)