Monday, December 16, 2024

Tag: Bukidnon State University

MNSHS, Natid-asan Elementary School, kampeon sa Danztrack Competition

Posted on by Omar Rashid Z. Abdullah

Nahimong overall champion ang Malaybalay National Science High School ug Natid-asan Elementary School, sa gipahigayon nga Danztrack Kaamulan Inter-School Dance Competition 2023 niadtong Marso 25, 2023

Base sa pahibalo sa lokal nga panggamhanan, ang competition gipahigayon sa Gymnasium sa Bukidnon State University.

Ang kompetisyon nag langkob sa duha ka kategorya.

Sa high school category, ang kampyeon mao ang Malaybalay National Science High School nga gisundan sa Sugod Integrated School isip 1st runner up; 2nd runner-up ang Bangcud NHS ug 3rd runner-up ang Casisang NHS.

Samtang sa elementary category, ang nagsunod sa Natid-asan Elementary School mao ang Malaybalay City Central School isip 1st runner up; 2nd runner-up ang Bangcud Central School ug 3rd runner-up ang Patpat ES. (Omar Rashid Z. Abdullah)

Programa sa negosyo ug trabaho alang sa PWD, aprobado na sa SP

Posted on by Omar Rashid Z. Abdullah

Giaprobahan na sa Sangguniang Panlungsod ang Resolution No. 2023-0274, mao ang Memorandum of Agreement tali sa City Government of Malaybalay ug sa Bukidnon State University (BukSU)

Base sa pahibalo sa lokal nga panggamhanan, ang memorandum mahitungod sa Persons with Disabilities Empowered for Employment and Entrepreneurship (PWDEE).

Nasayran nga ang Hospitality Management Department sa BukSU nagmugna og community-based training program diin maglambigit kini sa PWD dinhi sa dakbayan ug andam usab ang City Government of Malaybalay sa pakigtimbayayong ug pagtabang sa maong programa.

Ang tumong ug tinguha sa maong proyekto nga matudluan ug mapalambo ang abilidad sa PWDs ug mahatagan usab sila sa kahigayonan sa pagnegosyo ug pagpanarbaho. (Omar Rashid Z. Abdullah)

 

SUSUDAEN 2023 gipahigayon sa Malaybalay

Posted on by cmn

Pinaagi sa pagsaulog sa ika-25 nga Charter Day sa syudad sa Malaybalay, ang lokal nga panggamhanan nipahigayon sa SUSUDAEN 2023

Base sa pahibalo, ang SUSUDAEN 2023 food fest gi-organisar sa Bukidnon State University ug City Tourism ning syudad.
Ang maong food fest nasgsugod niadtong Marso 15 ug matapos sa Marso baynte uno. Ang maong kalihokan gipahigayon sa Plaza Rizal sa syudad.
Ang isa ka semana nga selebrasyon naglakip sa food bazaar, culinary challenge, coffee tasting, ug binaki dessert making.
Madungog usab ang makapadasig nga mga istorya sa kalampusan sa mga negosyante sa pagkaon sa Malaybalay. (MG Mayumi B. Madera)