Gibuksan sa Provincial Government of Bukidnon (PGB) ang ika-tulo nga satellite office sa PGO-Provincial Social Welfare and Development Office (PSWDO) niadtong Agosto 04, 2023
Gipahibalo sa PGB nga ang maong opisina nahimutang sa Bukidnon Provincial Hospital (BPH) – Manolo Fortich sa lungsod sa Manolo Fortich, Bukidnon.
Tumong niini nga mapadool ang serbisyo sa katawhan, ingon man mapadali ang pag-release sa donasyon/pinansyal nga tabang aron mapagaan ang palas-anon ug kalisud sa mga constituents nga physically, psychologically ug financially disadvantaged ug kadtong gikonsidera nga anaa sa krisis nga sitwasyon.
Mahinumduman nga gibuksan niadtong Mayo 18, 2023 ang duha ka satellite offices, nga nahimutang sa BPH-Maramag ug sa Dacayana Building syudad sa Valencia, diin na-kompleto na ang maong mga extension offices alang sa upat ka mga distrito. (Omar Rashid Z. Abdullah)
