Monday, March 31, 2025

Tag: Provincial Hospital

Pamilya gipamusil sa Maramag

Posted on by Diego M. Hidalgo

Samdan ang isa ka amahan ug ang iyang anak samtang walay tatsa ang asawa niini human gipamusil samtang sakay sa ilang motorsiklo sa Sayre highway, Km. 6, Base Camp, Maramag, Bukidnon

Si Police Major Erwin Naelga, OIC sa Maramag Municipal Police Station (MMPS), miingon sa iyang report nga ang insidente nahitabo pasado 8:30 sa gabii sa Disyembre 13, 2023.

Ang 52-anyos nga amahan nakaangkon sa samad pinusilan sa ubos nga bahin sa likod ug walang abaga.

Samtang ang 30 anyos nga anak niini ang samdan sa walang bukton ug walang abaga.

Ang duha ka samarong biktima nagpaalim na karon sa Bukidnon Provincial Hospital (BPH), Maramag, Bukidnon.

Sa imbestigasyon nasayran nga gikan sa ilang pinuy-anan ang mga biktima paingon sa Maramag sakay sa ilang motorsiklo nga gimaneho sa anak.

Ang inahan naglingkod sa tunga, samtang ang amahan naglingkod sa luyo nga bahin sa motorsiklo.

Sa pag-abot sa nahisgutang lugar, gipusil sila sa luyo sa makadaghang higayon sa wala mailhing suspek nga sakay sa motorsiklo nga nagbiyahe sa samang direksyon.

Ang mga biktima nangabangga sa daplin sa dalan. Ang mga suspetsado mihunong ug nangita sa mga biktima, apan nakatago kini sa kasagbutan nga bahin. Ug sa dihang wala na sila makit-i sa mga suspek dali silang miikyas palayo sa dapit.

Ang kapolisan sa Maramag padayon pa sa ilang imbestigasyon aron masayran ang motibo ug maila ang mga suspek sa krimen. (Diego M. Hidalgo)

4 ka Bukidnon Provincial Hospitals ug LGU Valencia midawat og pasidungog

Posted on by cmn

Upat ka mga hospital nga gidumala sa Provincial Government sa Bukidnon ug City Health
Office sa Valencia ang nakadawat og pasidungog

Sumala sa kasayoran, ang mga Hospital mao ang Bukidnon Provincial Hospital sa Manolo
Fortich, BPH Maramag, BPH San Fernando ug BPH Kalilangan.
Awardee sila sa Integrated Hospital Operations and Management Program (IHOMP).
Ang pasidungog gitunol sa Health Facility Development Unit sa Department of Health – Center
for Health Development (DOH-CHD) Northern Mindanao.
Nahigayon ang awarding atol sa Program Implementation Review sa IHOMP niadtong
Nobyembre 23, 2023 sa Pearlmont Hotel, Cagayan de Oro City.
Sa laing bahin, ang CHO Valencia giila sab sa DOH-CHD Northern Mindanao. Ang pag-ila
nahigayon sa Deluxe Hotel, Cagayan de Oro City niadtong Nobyembre 29.
Ang CHO Valencia giila nga Best Performer sa Formation sa Community-Based Rehabilitation
Area alang sa Health and Wellness Program nga magtutok sa Persons with Disability. (melbmadera)

Sen. Go visits projects in Damulog, Bukidnon

Posted on by cmn

Senator Christopher Lawrence “Bong” Go visited five key infrastructure projects in Damulog, Bukidnon, on September 16, 2023

Go visit the five completed projects, namely: the trading post/bagsakan center, which is worth Php1 million; the concreted streets and access roads, worth Php8 million; the solar street lights, worth Php5 million; the evacuation center (e-center), worth Php15 million; and the five-story multi-purpose building, worth Php40 million.

After the groundbreaking of the Super Health Center in Manolo Fortich in Bukidnon, Senator Bong Go went straight to the town of Damulog to visit and inspect the projects he supported for funding as Vice Chair of the Senate Committee on Finance.

He first visited the Bagsakan Center, a public market established to provide a centralized location for local farmers and vendors to sell their produce. The senator said that this is a step towards a more stable economy in Damulog. He added that he wants the public market to become a center of trade and opportunity for everyone.

After the market visit, Go then examined a road concreting project that aims to improve the transportation of goods and services and boost economic growth. He also went to the recently built evacuation center (e-center), where he led the ribbon-cutting ceremony.

The senator then went throughout the municipality, inspecting the solar street lights that had been installed. It is an initiative of the local government of Damulog in Bukidnon to promote renewable energy and public safety.

For his last stop, Go inspected the five-story multi-purpose building that will serve as a community center and the offices of various government offices.

Damulog Mayor Mel Buro thanked Go for his effort to make these key infrastructure projects possible. Go also met with some local mayors from Misamis Oriental and Bukidnon while he was in Damulog.

In his speech, Go also advised those with health concerns to visit the Malasakit Center located at Bukidnon Provincial Hospital in Maramag and the nearby centers at Northern Mindanao Medical Center and J.R. Borja General Hospital in Cagayan de Oro City.

To date, 159 Malasakit Centers are operational across the country to assist with patients’ medical expenses. He said that of the 40 Malasakit centers in Mindanao, seven are in Northern Mindanao. When asked how many super health centers are planned to be built in Bukidnon, he answered 11.

Sen. Go said that for the years 2022–2023, they plan to build 600 Malasakit centers throughout the country. The super health center is a medium-sized polyclinic that offers a wide range of services, including giving birth, laboratory testing, x-rays, dental care, and minor surgical procedures. (MG Mayumi B. Madera)

Laborer gidunggab sa kainom, patay

Posted on by cmn

Isa ka laborer ang gidunggab sa iyang kainom sa Purok-8, Brgy. Calaocalao, Don Carlos, Bukidnon niadtong Agosto 17, 2023

Ang biktima giila nga si Andy Enora y Lindongan, 52, balo, ug residente sa maong dapit.

Samtang ang suspek giila sab nga si Joselito Retazo y Loria, hingkod, ulitawo, ug residente sab sa maong dapit.

Gitaho nga nag-inom ang biktima ug ang suspek sa dihang nagkalalis kini hinungdan nga gidunggab sa suspek ang biktima sa makadaghang higayon gamit ang hunting knife.

Ang biktima naka angkon sa 11 ka samad dingunggaban ug siya dali-daling gidala sa Bukidnon Provincial Hospital, sa Maramag, Bukidnon apan gideklara nga dead on arrival.

Si Police Maj. Cipriano V. Bazar Jr., OIC sa Don Carlos Municipal Police Station nitaho nga ang suspek uban sa hinagiban nga gigamit gidala na sa kustodiya sa kapolisan alang sa hustong disposasyon. (MG Mayumi B. Madera)

2 menor de edad, nalumos sa Maramag

Posted on by cmn

Duha ka menor de edad ang patay human malumos kini sa P-9A, North Poblacion, Maramag, Bukidnon

Gitaho ni Police Maj. Erwin R. Naelga, OIC sa Maramag Municipal Police Station nga ang insidente nahitabo sa alas 7:00 sa gabie niadtong Agosto 13, 2023.

Ang amahan sa mga biktima nga si Alberto Manalondog y Hilasyo, 52, laborer, minyo – matod niya, gisugtan niya ang iyang mga anak nga maligo sa gripo tapad sa ilang panimalay.

Apan, human sa pipila ka minuto, namatikdan sa amahan nga wala na ang iyang mga anak ug nakita niya kini sa duol sa lawom nga nakubkoban nga bahin sa dalan nga nahimutang mga 150 metros ang gilay-on sa ilang balay.

Si Alberto nagtuo nga ang iyang mga anak miambak ug milangoy sa giingon nga gikubkob nga lugar.

Ang mga biktima gidala sa Bukidnon Provincial Hospital – Maramag apan gideklara kini nga dead on arrival. (MG Mayumi B. Madera)

Tawo gidunggab sa igsuon sa Malitbog

Posted on by cmn

Isa ka tawo ang gidunggab sa iyang igsuon sa Sitio Cagascas, Barangay Kalingking, Malitbog, Bukidnon

Sa taho ni Police Lt. Danilo R. Sabordino Jr., OIC sa Malitbog Municipal Police Station nga ang insidente nahigayon niadtong Agosto 06, 2023 sa alas 9:25 sa buntag.

Ang suspek giila nga si Aljun Rabe Lugcon (magulang sa biktima), 25, ulitawo, laborer, ug residente sa maong dapit.

Samtang ang biktima giila nga si Mark Anthony Rabe Lugcon (manghud), 21, ulitawo, ug laborer.

Sumala sa report, ang hubog nga suspek nagkabikil sa iyang igsuon. Ang manghud nila nga si Ariel Lucgon nisulti nga ang duha aduna nay kabikil daan sa mga niaging adlaw.

Gidunggab sa magulang ang iyang manghud gamit ang isa ka guna nga hinungdan nga naka-angkon kini og samad dinunggaban sa baba.

Ang suspek dali-daling milayas human sa insidente.

Gidala ang biktima sa Bukidnon Provincial Hospital-Annex, Malitbog, Bukidnon aron sa pagpanambal.

Ang kapolisan nag andam na sa mga dokumento alang sa pagpasaka og kaso batok sa supek. (MG Mayumi B. Madera)

40 ka bata nakapahimulos sa libreng tuli sa Talakag

Posted on by Diego M. Hidalgo

Adunay 40 ka mga bata nga lalaki ang nakapahimulos sa libreng tuli nga gilusad sa Bukidnon Provincial Hospital (BPH)-Talakag niadtongc Hulyo 23, 2023 sa Talakag, Bukidnon

Gipahigayon ang libreng tuli subay sa pagsaulog sa National Infection Prevention and Control Week (IPC) 2023, sumala sa pahibalo sa Provincial Government of Bukidnon.

Ang maong kalihukan nagtangag sa tema nga “Beyond the Pandemic: HAI-lighting the importance of IPC”.

Gawas sa maong kalihukan, gihan-ay usab ang monthly meeting uban ang re-echo on IPC training and seminar, clean-up sa designated areas, lecture for sterility, ug sport activities. (Diego M. Hidalgo)

Isa ka wala mailhi nga lalaki, napalgang patay sa Maramag

Posted on by cmn

Isa ka wala mailhi nga lalaki ang napalgang patay sa mga kapolisan sa Purok-5, North Poblacion, Maramag, Bukidnon

Si Police Maj. Erwin R. Naelga, oic sa Maramag Municipal Police Station nitaho nga ang patayng lawas nakit-an niadtong Hunyo 29, 2023, sa alas 10:00 sa buntag.

Ang biktima, naka sul-ob og itom nga sweatshirt ug asul nga shorts.

Siya gidala sa Bukidnon Provincial Hospital, Maramag, Bukidnon.

Gitaho nga ang biktima naka-angkon og mga samad dinunggaban sa iyang lawas nga miresulta sa iyang dayong kamatayon.

Aduna usab nakita nga mga crutches sa tapad sa biktima nga nagpunting nga ang biktima isa ka Person With Disabilities (PWD).

Isa ka imbestigasyon ang padayong gipahigayon sa mga kapolisan sa Maramag MPS alang sa pag-ila sa biktima ug pagpunting sa motibo sa insidente. (MG Mayumi B. Madera)

Managsuon gipangdunggab sa Kibawe

Posted on by Diego M. Hidalgo

Duha ka managsuon gidunggab sa ilang balay sa Purok-1 Old Kibawe, Kibawe, Bukidnon niadtong Marso 26, 2023

Ang mga biktima giila nga sila Ali Rosell y Catalbas, 45, minyo, driver, ug residente sa Rosario, Agusan del Sur, ug si Isidro Rosell y Catalbas, 49, minyo, taxi driver, ug residente sa Tablon, Cagayan De Oro City.

Si Police Maj. Marvin T. Enciso, OIC sa Kibawe Municipal Police Station nisulti sa iyang report nga ang mga biktima gidunggab sa 12inches nga hunting knife sa suspek.

Ang suspek giila nga si Dominador Lozarita y Madcaw, 46, minyo, ug residente sa Libertad, Old Kibawe, Kibawe, Bukidnon.

Gitaho nga ang suspek gigukod sa mga barangay tanod tungod sa pagdala niini og hunting knife. Ubos sa impluwensiya sa ilimnong makahubog, ang suspek niabot sa pinuy-anan sa mga biktima nga adunay panagtapok sa pamilya ug dayong nanaksak.

Ang mga biktima dayon gidala sa Bukidnon Provincial Hospital-Kibawe ug karon anaa na sa maayong kahimtang. (Diego M. Hidalgo)

4 patay sa road mishap sa Quezon

Posted on by cmn

Upat ang patay ug isa ang naangol sa nahitabong aksidente sa Barangay Road of Purok 3, Barangay Linabo, Quezon, Bukidnon niadtong Marso 16, 2023 sa ala 1:30 sa hapon

Ang drayber giila nga si Ronald Rene Legado Pantua (DOA), hingkud, minyo, job order sa LGU Quezon ubos sa Engineering Department, and a resident of Barangay Paitan, Quezon, Bukidnon.

Samtang ang iyang mga kauban giila nga sila Ricardo Apao Saison (DOA), 56, minyo, JO sa Surveying Services, ug residente sa Purok 3, Mibantang, Quezon, Bukidnon; Alfredo Cabonillas Villamero (DOA), 42, minyo, JO Heavy Equipment Operator, ug residente sa Barangay 9, Poblacion, Quezon, Bukidnon; Ronald Catane Ratunil (naangol), 43, minyo, JO Heavy Equipment Operator, ug residente sa Purok Pag-asa, Salawagan, Quezon, Bukidnon; ug si Eduardo Tuyor Sereno, Jr (DOA), hingkud, minyo, Barangay Kagawad, ug residente sa Purok 1, Linabo, Quezon, Bukidnon.

Sa taho ni Police Maj. Noel F. Cano, OIC sa Quezon Municipal Police Station, ang boom truck nga ilang gisakyan nagbyahe gikan sa Sitio Bagong Lipunan, Linabo, Quezon, Bukidnon ug padulong sa LGU Quezon, Bukidnon sa dihang ang drayber nawad-an og control sa iyang gimanehoan ug napadulong sa may pangpang.

Tungod niini, si Pantua, Saison, Villamero ug Sereno gihayag nga dead on arrival (DOA) samtang si Ratunil gidala sa Bukidnon Provincial Hospital Maramag alang sa medikasyon. (MG Mayumi B. Madera)