Sunday, December 15, 2024

Tag: Quezon

7 sites sa Bukidnon nakaangkon og free Wi-Fi access

Posted on by Melchor Madera

MALAYBALAY CITY, Bukidnon (August 15, 2024) – Nakaangkon og free Wi-Fi access ang pito ka mga barangay sa Bukidnon bag-ohay lang

Ang pito ka mga dapit lakip sa activated nga 600 ka mga lugar sa nasud nga natabonan sa Connectivity, Capability, and Resiliency through Free Wi-Fi for All (CoRe FW4A) project sa Department of Information and Technology (DICT uban sa United Nations Development Programme (UNDP).

Nahigayon ang nationwide launching sa proyekto sa People’s Hall sa Malaybalay City, Bukidnon kaniadtong Agosto 15, 2024.

Diha sa programa si Mr. Paul Tuason, director sa DICT, Ms. Vivien Suerte-Cortez, team leader sa UNDP Philippines Institutions and Partnerships, Malaybalay City Mayor Jay Warren R. Pabillaran, ug uban pa.

Duha sa mga proyekto sa Bukidnon ang lakip sa Geographically Isolated and Disadvantaged Areas (GIDAs) diin ang Free Wi-Fi naplastar sa Barangay Hall sa Cabadiangan, Kadingilan ug sa Santa Felomina Barangay Hall sa Quezon.

Samtang ang lima pa anaa sa Indigenous People’s (IP) communities nga naplastar sa Saint Peter Barangay Hall sa Malaybalay City, Dolorosa Barangay Hall sa Dangcagan, Maraymaray Barangay Hall sa Don Carlos, Kalabugao Barangay Hall sa Impasug-ong ug Sampaguita Barangay Hall sa Kibawe.

Ang CoRe FW4A project direktang gipatuman sa UNDP nga nagsuporta sa pagpatuman sa DICT sa Free Wi-Fi for All (FWFA) Program niini subay sa R.A. 10929 kon Free Internet Access in Public Spaces Act of 2017.

Ang programa gikatakdang matapos sa Disyembre 31, 2025. (melbmadera)

Mga mag-uuma sa sloping area gitudloan sa sustainable land management

Posted on by Omar Rashid Z. Abdullah

Gitudloan sa Provincial Agriculture Office ang mga mag-uuma sa Bukidnon kansang umahan nahimutang sa slope areas o bakilid nga bahin, pinaagi sa Sustainable Land Management (SLM) Training

Sumala sa kasayoran sa PGB, sa maong pagbansay, ang mga mag-uuma gitudloan sa malungtarong pagdumala sa yuta.

Ang training naglangkub sa agriculture and type of food production, integrated pest management, hinungdan og epekto sa soil pollution, soil erosion ug soil conservation and management.

Tinguha niini aron masuportahan ang pagtubo sa ekonomiya, kaayohan sa katilingban, ug pagpadayon sa kalikopan.

Ang kalihukan gitimbayayongan sa PGO- Provincial Disaster Risk Reduction and Management Division (PDRRMD) alang sa mosunod nga mga dapit.

Ang sa Lantapan gipahigayon niadtong Mayo 7-8, Maramag niadtong Mayo 9-10, Quezon- Mayo sa 14-15, Impasugong sa Mayo 16-17, Sumilao niadtong Mayo 21-23, Manolo Fortich- Mayo sa 23-24, San Fernando sa 28-29, Valencia City sa Mayo 30-31, Kalilangan karong Hunyo 4-5 ug Kadingilan sa Hunyo 6-7, 2024. (Omar Rashid Z. Abdullah)

DA-NorMin breaks ground for establishment of corn, rice processing centers in Bukidnon

Posted on by cmn

DALWANGAN, Malaybalay City – In its aim to support the post-production systems of two of the region’s top agricultural commodities, the Department of Agriculture – Regional Field Office 10 (DA-10) helmed by Regional Executive Director Jose Apollo Y. Pacamalan, recently held a groundbreaking ceremony for the establishment of rice and corn processing centers in the province of Bukidnon

On May 24, DA Undersecretary for High-Value Crops Cheryl Marie Natividad-Caballero, with DA-10 Regional Technical Director for Operations Carlota S. Madriaga and Regional Technical Director for Research and Regulations Cora A. Dumayaca led the groundbreaking of the two processing centers.

Funded under the agency’s Rice Program, a 900 sq.m. rice processing center, worth over P49 million will soon serve farmers in Barangay Pinatilan, Valencia City, Bukidnon.

Said infrastructure will also include one mechanical dryer set, with a capacity of 10 to 12 tons per set, as well as one direct-fired biomass furnace with a maximum heat power of 500.

Through said facility, DA aims to strategically improve the efficiency of the rice post-production system, and reduce post-harvest losses, thereby ensuring the improved quality of milled rice from the said community.

Meanwhile, a 1,920 sq.m. corn processing center will also soon rise in DA’s Research Center for Upland Development in Barangay Barongcot, Dangcagan, Bukidnon.

Funded through DA’s Corn Program, the corn processing center worth over P98-million, also includes a pre-cleaner and aspirator; 2 mechanical dryer sets, each able to cater 27-30 tons per set; and 2 corn silos with a capacity of around 1,500 to 2,000 tons per set.

Strategically located in the southern part of Bukidnon, the corn facility aims to bolster the needs of local farmers, and foster a more sustainable and efficient production of nearby corn-producing municipalities including Maramag, Don Carlos, Kitaotao, Kadingilan, Kalilangan, Pangantucan, Kibawe, Damulog, and Quezon.

Said interventions are aligned with DA Secretary Francisco Tiu Laurel, Jr.’s three-year, eight-point plan for a ‘Masaganang Bagong Pilipinas’, which entails the modernization and mechanization of agri-fishery productions, as well as the development and improvement of post-harvest systems and infrastructures throughout the country.

Signifying their support for the project, the groundbreaking ceremony was also participated by Farmer-Director for the month of May, Nilda B. Salas; and DA-10 Provincial Operations Center – Bukidnon chief Janet D. Lopez, DVM with Rice Program focal person Chona H. Nacalaban and Corn Program focal person Richan D. Lacanaria. (GDA)

Publiko gipahinumdoman sa paglikay sa rabies

Posted on by Omar Rashid Z. Abdullah

Gipahinumdoman sa Provincial Government of Bukidnon (PGB), pinaagi sa Provincial Health Office (PHO) ug Provincial Veterinary Office ang publiko sa mga angayang buhaton aron malikayan ang rabies

Ang rabies isa ka viral nga sakit nga matakboy gikan sa positibo nga mananap sama sa iro, iring, baboy unggoy o kwaknit pinaagi sa paak, kamras, o kontak sa laway o samad.

Sumala sa social media page sa kagamhanang probinsyal, kung ang isa ka tawo napaakan sa iro o sa laing mananap, hugasan ang pinaakan sa gaagas nga tubig sa gripo ug sabonan sulod sa 15 ka minutos, limpyohan sa 70 percent alcohol o tincture sa betadine ang pinaakan human mahugasan.

Giawhag sab ang publiko nga magpa-konsulta dayon sa doktor o mahimong mobisita sa pinakaduol nga health center o sa 11 ka mga Animal Bite Treatment Center sa probinsya nga nahimutang sa Bukidnon Provincial Medical Center (BPMC), City Health Office sa syudad sa Malaybalay ug Valencia, BPH – Maramag, Manolo Fortich, Kibawe, Kalilangan, Malitbog ug Talakag, Quezon Health Center Infirmary ug RHU Talakag.

Samtang padayon nga gipahimangnuan ang pet owners nga mahimong responsableng tag-iya aron dili makapaak ang ilang binuhing hayop. (Omar Rashid Z. Abdullah)

6 LGUs misumite og SB resolutions sa pagdeklarar sa State of Calamity

Posted on by Diego M. Hidalgo

Nakasumite ngadto sa PGO-PDRRMD ang unom ka mga LGUs sa Bukidnon sa ilang SB Resolutions nga nagdeklara sa ilang area of responsibility ubos sa state of calamity, gumikan sa nasinati nga taas nga panahon sa ting-init o dry spell

Sumala sa social media page sa provincial government sa Bukidnon, ang unom ka mga munisipyo mao ang Kibawe, Kitaotao, Quezon, Cabanglasan, Pangantucan, ug Impasugong.

Nakasumite usab sa ilang report sa kadaot sa hulaw ang Kadingilan, Damulog ug Valencia City apan wala magdeklara sa state of calamity.

Sa punto sa Valencia, ang City Disaster Risk Reduction Managemernt Council (CDRRMC) nagpalabang og resolution nga nagrekominda sa konseho sa maong dakbayan alang sa deklarasyon sa State of Calamity.

Nasayran ang kasayoran sa report ni Mr. Israel Johan M. Damasco, Jr., head sa PGO-PDRRMD atol sa radio program sa PGB – “ang Kalihukan sa Probinsya” kaniadtong Mayo 17, 2024.

Iyang gibatbat ang Revised Guidelines alang sa Declaration of a State of Calamity sa NDRRMC.

Pipila nini mao nga at least 15 percent sa forecasted affected population basi sa science-based projection nga nanginahanglan sa dinalian nga tabang; at least 30 percent sa nag-unang panginabuhian sa sektor sa agrikultura, negosyo ug industriya ang naapektuhan; lapad nga kadaut sa mga fishpond, pananom, manok ug kahayupan, ug uban pang suplay sa agrikultura; ug uban pa. (Diego M. Hidalgo)

Mag live-in gipamusil sa Quezon

Posted on by Diego M. Hidalgo

Patay ang isa ka lalaki samtang samdan ang kapuyo niini human sila gipamusil sa Purok 6, Brgy. Magsaysay, Quezon, Bukidnon gabii sa Marso 29, 2024

Sumala sa report ni Police Lt. Col Noel F. Cano, OIC sa Quezon Municipal Police Station, nadala pa sa Quezon Health Center Infirmary ang mga biktima.

Apan ang lalaki kinsa nakaangkon sa grabing mga samad pinusilan sa lawas ang gideklarang patay na sa wala pa mahiabot.

Samtang ang iyang kapuyo kinsa nakaangkon sa samad pinusilan sa tuong tiil ug tiyan ang gibalhin sa Bukidnon Provincial Hospital sa Maramag, Bukidnon.

Nasayran sa imbestigasyon sa kapolisan sa Quezon nga ang mga biktima nag-atiman sa ilang food stall alang sa selebrasyon sa Araw ng Barangay sa dihang gipusil sa suspek gamit ang wala masayring kalibre sa armas.

Ang suspek nisibat padulong sa Arakan, North Cotabato ug padayon pa kining gipangita.

Nakuha sa dapit sa krimen ang unom ka kapsola sa bala sa armas.

Padayon pa sab ang imbestigayon sa kapolisan aron pag-ila sa suspek ug pagsuta sa motibo sa krimen. (Diego M. Hidalgo)

Lalaki gitigbas sa pag-umangkon sa Quezon

Posted on by Diego M. Hidalgo

Isa ka 58-anyos nga lalaki ang gitigbas sa iyang kainom nga pag-umangkon sulod sa payag sa Purok 6, Brgy. San Roque, Quezon, Bukidnon gabii sa Enero 7, 2024

Sumala sa report sa Quezon Municipal Police Station (QMPS), ang suspek isa ka 42-anyos nga lalaki kinsa residente ra sab sa dapit.

Ang suspek boluntaryong mitahan sa tanod sa barangay.

Pagkahuman, ang suspek ang gitugyan sab ngadto sa buhatan sa kapolisan lakip ang lampas nga gigamit sa krimen.

Sa inisyal nga imbestigasyon, nasayran nga sa wala pa ang insidente, nag-inom ang biktima ug ang suspek sa barongbarong nga nahimutang sa dapit.

Giingon nga human nila mahurot ang botelya sa rum, nag-init ang ilang panaglalis tungod sa kahubog.

Sa wala madugay gitigbas sa suspek ang biktima makaduha ka higayon nga naigo sa nawong ug duha ka mga kamot.

Human sa krimen, midagan palayo ang suspek ug boluntaryong mitahan sa Barangay Tanod, ug gitugyan sab ang gigamit sa krimen.

Ang suspek anaa na karon sa kustodiya sa Quezon MPS alang sa tukmang disposasyon samtang ang biktima gidala sa Quezon Health Center Infirmary aron matambalan. (Diego M. Hidalgo)

Military seizes firearms, war materials in Quezon

Posted on by cmn

MALAYBALAY CITY (Jan. 07, 2024) – Personnel from the 1003rd Infantry (Raptor) Brigade of the 10th Infantry (Agila) Division (10ID) successfully seized three high-powered rifles and several war materials from the New People’s Army (NPA) during an armed encounter on January 5, 2024, at Sitio Mahayahay, Barangay Cawayan, Quezon, Bukidnon

According to the 1003rd IB, the captured items included three M16 rifles, two magazines with ammunition, eight backpacks, medical paraphernalia, food supplies, clothing, other war materials, and subversive documents.

After conducting a focused military operation in the area, the 1003rd IB, led by Brig. General Marion T. Angcao, retrieved the aforementioned materials.

The said items were owned by the Communist Terrorist Group (CTG), specifically the Sub-Regional Sentro De Grabidad (SRSDG) Peddler of NPA’s North Central Mindanao Regional Committee (NCMRC).

The 10ID commander, Brig. General Allan D. Hambala, reiterates his plea for the remaining members of the CTG, notably in Bukidnon province, to surrender.

“The 10ID conducts military operations through the legitimate use of force against the CTG, ensuring the safety and well-being of the people. Nevertheless, the 10ID remains open to accepting Communist NPA Terrorists willing to lay down their arms and reintegrate into the folds of the law,” Hambala said. (melbmadera)

No description available.

 

Members of the 1003rd Infantry (Raptor) Brigade captured high-powered weaponry, war materials, and personal items of the New People’s Army during an arm confrontation in Sitio Mahayahay, Brgy. Cawayan, Quezon, Bukidnon on January 5, 2024. (pr)

Samaron nga NPA nasikop sa Quezon

Posted on by Omar Rashid Z. Abdullah

Nasikop sa militar ang isa ka samaron nga myembro sa New People’s Army (NPA) human gibiyaan sa iyang mga kauban sa Sitio Mahayahay, Brgy. Linabo, Quezon, Bukidnon kaniadtong Disyembre 30, 2023

Sumala sa kasayoran, ang rebelled nasikop sa mga myembro sa 48th Infantry Battalion sa 1003rd Infantry Brigade nga naglihok sa dapit.

Ang nasikop nailang si Alyas Martin/Ligaw, myembro sa Sub-Regional Sentro De Grabidad Peddler, North Central Mindanao Regional Committee (SRSDG Peddler, NCMRC) sa Communist Terrorist Group.

Si Alias Martin nakaangkon sa samad pinusilan sa walang tiil ug tuong hita hinungdan gibiyaan siya sa iyang mga kauban sa battlefield sa panagsangka batok militar niadtong Disyembre 27, 2023.

Ang militar mihatag og first aid sa sinikop ug pagkahuman gidala nila kini sa hospital sa Munisipyo sa Quezon.

Nakig-alayon sab ang militar sa Local Government Unit sa Quezon alang sa medical support kay alyas Martin. (Omar Rashid Z. Abdullah)

Anti-drug programs sa Damulog, Malitbog, Maramag giila

Posted on by cmn

Giila ang anti-drugs programs sa mga munisipyo sa Damulog, Malitbog ug Maramag sa Department of the Interior and Local Government (DILG) bag-ohay lang

Sumala sa report sa Philippine News Agency, ang Damulog ug Malitbog nalakip sa 16 ka mga local government units sa Rehiyon 10 nga gipasidunggan. Kini gumikan sa ilang pagpatuman sa exemplary performance sa anti-illegal drugs campaign.

Sa panahon sa National Anti-Drug Abuse Council (ADAC) Performance Awards sa Quezon City, ilang nadawat ang ‘national awardee” status.

Samtang ang Maramag, ang lakip sa laing tulo ka mga Munisipyo sa rehiyon nga gidayeg usab sa DILG. Giila ang ilang dedikasyon ug serbisyo sa paghatag og dekalidad nga Community-Based Drug Rehabilitation Program (CBDRP) alang sa mga tawo nga migamit og drugas. (melbmadera)