Nadakpan sa hiniusang operasyon sa kapulisan ang giila nga Top 4 PNP/PDEA High Value
Individual (HVI) sa provincial level human sa pagpatuman sa search warrant sa Purok 2,
Lumintao, Quezon, Bukidnon niadtong Agosto 2, 2026.

Matud sa police report, ang operasyon nahitabo pasado alas 6:35 sa gabii pinaagi sa hiniusang
pagpatuman sa mga personnel sa Quezon Municipal Police Station (MPS) ug 2nd Provincial
Mobile Force Company, uban sa koordinasyon sa Provincial Intelligence Unit sa Bukidnon PPO.
Nadakpan ang suspek nga si Marlon Y. Ibbay, 42 anyos, minyo, ug residente sa maong lugar, nga
giila nga High Value Individual ug apil sa provincial target list sa PNP/PDEA.
Gipatuman sa mga awtoridad ang Search and Seizure Warrant Order No. RTC-OCC 42-26 nga
gipagawas niadtong Hulyo 30, 2026 tungod sa gipasanginlang paglapas sa Republic Act No.
10591 (Comprehensive Firearms and Ammunition Regulation Act) ug Republic Act No. 9516.
Atol sa pagpangita, nakuha sa mga awtoridad ang isa ka kalibre .38 revolver Armscor, 28 ka
buhing bala sa kalibre .45, 19 ka bala sa kalibre .38, isa ka steel magazine sa kalibre .45, itom
nga holster, isa ka military steel ammunition box, isa ka kalibre .30 nga bala, duha ka heat-sealed
transparent plastic sachet nga adunay puti nga crystalline substance nga gituohang shabu nga
motimbang og 1.5 gramos ug adunay gibanabanang bili nga ₱10,200, lima ka foil strip, ug tulo
ka blue lighter.
Giandam na ang pagsaka og kaso batok sa suspek tungod sa posibleng paglapas sa RA 10591 ug
Section 11, Article II sa RA 9165 o Comprehensive Dangerous Drugs Act of 2002 as amended.
Ang nadakpan nga indibidwal ug ang mga nakumpiskar nga ebidensya anaa karon sa kustodiya
sa Quezon MPS, Bukidnon PPO, alang sa dokumentasyon ug hustong disposisyon. Samtang, ang

nakumpiskar nga gidudahang iligal nga droga gidala ngadto sa Bukidnon Provincial Forensic
Unit alang sa qualitative ug quantitative examination. (melbmadera)