Wednesday, April 02, 2025

Tag: Rogelio Neil P. Roque

Unang E-clip committee meeting karong 2023 sa Bukidnon, gipahigayon

Posted on by cmn

Gipahigayon pinaagi sa Department of the Interior and Local Government Unit (DILG)-Bukidnon, ang unang Enhanced Comprehensive Local Integration Program (E-CLIP) Committee Meeting, sa pagpangulo ni Provincial Governor Rogelio Neil P. Roque, kinsa mao ang Committee Chairman

Ang maong meeting gipahigayon niadtong Pebrero 15, 2023 sa Casa Blanca Bar and Restaurant, syudad sa Malaybalay, Bukidnon.

Kauban ni Gov. Roque nga nitambong sa maong tigum sila DILG-Bukidnon Provincial Director Rhona Pedraza-Abadilla, Provincial Legal Officer Atty. Gean Yvish R. Ladesma, Acting PSWD Officer Ellen T. Salumintao, ug mga representanti gikan sa buhatan sa Provincial IPMR, Bukidnon Police Provincial Office ug 403rd Infantry Brigade, 4ID, Philippine Army. (PR)

Bag-ong PPSK Building, gi turnover

Posted on by Diego M. Hidalgo

Malampuson nga na-turnover ni Provincial Governor Rogelio Neil P. Roque ngadto kang Provincial Pederasyon Sangguniang Kabataan (PPSK) President Ex-Officio Board Member Princess Grace L. Gayon ang bag-ong opisina sa PPSK Bukidnon

Sa pahibalo sa lokal nga panggamhanan, ang maong opisina anaa nahimutang sa San Victores St. Barangay 9, ning syudad.

Sa datos nga gikan sa Provincial Engineers Office, adunay lima pa ka laing Multipurpose Building para sa mga Kabatan-onan ang kompletong natukod sa lungsod sa Pangantucan, Manolo Fortich, Kitaotao, Lantapan, Kalilangan, Damulog nga nagkantidad og Php1M matag isa. (Diego M. Hidalgo)

27th SP walay pagsupak sa giduso nga House Bill no. 5999 ni Cong. Zubiri

Posted on by cmn

Nagpadayag nga walay pagsupak ang mga miyembro sa 27th Sangguniang Panlalawigan (SP) sa House Bill No. 5999 nga giduso ni 3rd District Congressman Jose Ma. R. Zubiri, Jr., pinaagi sa Resolution No. 2023-986 (27th SP) nga giulohan ni Board Member Nemesio B. Beltran, Jr., pinetsahan Enero 10, 2023, atol sa ika-23 nga regular session sa 27th SP

Mahinumduman nga una nang nagpalabang ang 27th SP sa Resolution No. 2022-476 nga nagsugyot ngadto sa House of Representatives ug Senate of the Philippines nga dugangan ug usa ka distrito ang probinsya, nga pagalangkuban sa mga LGUs gikan sa ika-tulong distrito.

Sa re-districting version ni Cong. Zubiri, nagpabilin ang mga LGUs nga maglangkob sa 1st District, aduna lamang kausaban sa komposisyon sa mga LGUs alang sa ika-duha hangtud sa ika-lima nga distrito, apan gisuguro nga makab-ot ang constitutional requirement nga 250,000 population matag distrito, subay sa data sa PSA as of May 1, 2020.

1st District – Baungon – 37,111; Libona- 48,965; Malitbog- 26,741; Manolo Fortich- 113,200; Sumilao- 29,531; Talakag- 77,027. Total population: 332,575.

2nd District – Impasugong- 53,863; Lantapan-65,974; City of Malaybalay- 190,712. Total population: 310,549.

3rd District – Kalilangan- 43,711; Maramag- 108,293; Pangantucan- 56,580; Quezon- 109,624. Total population: 318,208.

4th District – Cabanglasan- 36,286; City of Valencia- 216,546; San Fernando- 63,045. Total population: 315,877.

5th District – Damulog- 39,322; Dangcagan- 26,076; Don Carlos- 69,273; Kadingilan- 33,735; Kibawe- 41,897; Kitaotao- 53,796. Total population: 264,099

Gilantaw sa 27th SP nga ang maong sugyot, magresulta sa mas paspas nga kalambuan sa matag distrito alang sa kaayuhan sa katawhan. Samtang, ang kopya sa maong resolusyon ipasa ngadto sa tanang district representatives sa Bukidnon, Senate President Juan Miguel F. Zubiri, House Speaker Ferdinand Martin G. Romualdez, Governor Rogelio Neil P. Roque, tanang mga mayores ug sanggunian sa probinsya, alang sa ilang kasayuran ug basihan. (PR)

Bag-ong IPMR sa Bukidnon nanumpa

Posted on by Diego M. Hidalgo

Pormal nga nanumpa sa atubangan ni Provincial Governor Rogelio Neil P. Roque si Datu Atty. Arbie S. Llesis, ang bag-ong napili nga Provincial Indigenous People’s Mandatory Representative kon IPMR sa Sangguniang Panlalawigan.

Base sa pahibalo sa lokal nga panggamhanan, ang bag-ong IPMR nanumpa sa buhatan sa gobernador niadtong Enero 17, 2023.

Mahinumduman nga ang selection sa Provincial IPMR gipahigayon niadtong Nobyembre 25, 2022 human natapos ang termino ni kanhi Provincial IPMR Datu Richard D. Macas niadtong Mayo 31, 2022. (Diego M. Hidalgo)

Panaghiusa sa mga empleyado ug opisyales sa PGB, gidasig

Posted on by cmn

Managsama nga gidasig ni Provincial Governor Rogelio Neil P. Roque ug Vice-Governor Clive D. Quiño ang tanang empleyado ug opisyales sa Provincial Government of Bukidnon (PGB), nga padayong maghiusa sa pagserbisyo sa katawhan sa tuig 2023, kini atol sa gipahigayon nga unang Monthly Convocation sa tuig, Enero 9, 2023, sa Kaamulan Open Theater, syudad sa Malaybalay.

Positibo si Governor Roque nga inabagan sa 27th Sangguniang Panlalawigan (SP), mas mapasayon ug mapadali ang pagpatuman sa mga balaudnon alang sa kalambuan ug kaayuhan sa katawhan.

Sa maong kalihukan, gipasidunggan sa PGB ang mga LGUs nga awardee sa 2022 Seal of Good Local Governance (SGLG) ug 2021 Child-Friendly Local Governance (SCFLG) nga gidawat sa hingtugdang mga mayores, bise-mayores, kauban ang ilang mga konsehal.

Samtang ang pasidungog sa 2022 Division Search for the Brigada Eskwela Best School Implementers gidawat sa ilang school representatives ug Local Government Officials.

Gipasidunggan usab si Datu Waway Linsahay Saway, kinsa recipient sa Gador Award.

Ang maong panagtigum gipaluyohan sa Provincial Governors Office (PGO), Provincial Administrators Office (PAO) ug PGO – Public Affairs, Information and Assistance (PGO-PAIA). (PR)