Isa ka mag-uuma ang gisikop sa hiniusang pwersa sa kapolisan sa gipahigayon nga drug buy-bust operation sa Sitio Cogo, Macaopao, Kalilangan, Bukidnon niadtong Enero 16, 2023.
Gibutyag sa report ni Police Maj. Merlin M. Macawili, OIC sa Kalilangan Municipal Police Station, nga ang suspek mao si Minsuari Ampatua y Ampatua aka “Minsu”, 30, minyo, ug residente sa Purok-6, Mimbuaya, Lanao del Sur.
Nakuha gikan sa iyang posesyon ang gibana-bana nga 12 gramo sa gidudahang shabu nga adunay standard drug price nga Php 81,600.00.
Kasong paglapas sa RA 9165 ang gi andam batok sa arestado. (Omar Rashid Z. Abdullah)
