Kaniadtong Mayo 21, ang dakbayan sa Valencia nakatala sa 54 ka mga residente nga nagpositibo sa coronavirus disease (Covid-19).

Kini ang unang higayon sa pinakataas nga ihap sa mga nataptan sa adlaw-adlaw nga tala sa mga nagpositibo sa virus sa maong dakbayan.

Sumala sa public advisory sa kagamhanang lokal sa Valencia, 31 kanila mga babaye ug 51 ang walay travel history.

Ang 11 kanila mga symptomatic. Ang tanan kasagaran na-exposed sa mga unang nataptan sa Covid-19.

Unom kanila ang ubos sa 10 anyos. Ang pinakabata mao ang 10 ka bulan nga batang babaye nga taga Purok 16 sa Brgy. Bagontaas.