Isa ka mag-uuma kinsa miyembro sa Bantay Bayan sa Brgy. Kisawa, Munisipyo sa Kibawe ang gisikop gumikan sa kasong cattle rustling nga giatubang niini.

Sumala sa taho sa kapolisan sa Kibawe, ang akusado nailang si Henry Manlinamay, 44, minyo, mag-uuma, miyembro sa Bantay Bayan ug residente sa Purok 3 sa maong dapit.

Nasikop siya sa kapolisan sa iyang panimalay buntag sa Marso 3. Kini pinasubay sa warrant of arrest nga gipagula sa Presiding Judge sa RTC 10, Branch 9 sa Malaybalay City pinetsahan Agusto 5, 2013.

Ang korte mirekominda sa P36,000 nga piyansa alang sa temporaryong kagawasan sa akusado.

Sa pagkutlo ning balita, ang akusado ubos sa kustodya sa kapolisan sa Kibawe.

By: Diego M. Hidalgo