Panid Bisaya
Opisyal sa NPA nasikop sa Malaybalay
0
Share this post?
MALAYBALAY CITY, Bukidnon – Nasikop sa hiniusang pwersa sa kapolisan ang usa ka giingong opisyal sa New People’s Army (NPA) pasado alas 11:00 sa buntag niadtong Pebrero 18, 2026, sa Barangay 7 ning siyudad
Sumala sa report sa Bukidnon 1st Provincial Mobile Force Company, ang dinakpan giila nga si Ronald L. Landasan, alyas “Gamay” ug “Gaspar,” giingong vice commanding officer sa Guerilla Front 89 / (PBY) Pulang Bagani Yunit sa Sub-Regional Committee 2 ubos sa North Central Mindanao Regional Command sa NPA.
Si Landasan, 51 anyos, minyo, mag-uuma, ug residente sa Purok 15, Sityo Panamukan, Barangay San Jose, Malaybalay City, gisikop pinasubay sa warrant of arrest tungod sa kasong multiple attempted murder nga may Criminal Case No. 37004-21 nga pinetsahan og Pebrero 4, 2026.
Sa pagkakaron, anaa na siya sa kustodiya sa Bukidnon 1st PMFC alang sa hustong disposisyon. (melbmadera)
Latest Article
Related Post
Nakadawat og kinatibuk-ang P710,000.00 nga hinanali nga cash aid ug livelihood support packages ang 14 ka kanhi myembro sa New People’s Army nga karon gitawag nga Friends Rescued (FRs), gikan sa gobyerno Natigayon ang maong distribusyon atol sa release sa DILG-Administered Package Assistance ubos sa Enhanced Comprehensive Local Integration Program niadtong Abril 8, 2026, sa...
Malampusong narekober sa all-female-led Special Forces Team 16 “MAYA” ang mga armas atol sa Bukidnon Jungle Operation, sumala sa kasayoran sa Philippine Army 403rd Brigade Matod pa, upat ka high-powered firearms ug usa ka spare barrel sa M16A1 ang nakuha atol sa precision operation niadtong Abril 7, 2026, sa Sityo Bendum, Barangay Busdi, Malaybalay City....
Nagpasigarbo ang Malaybalay City human nakab-ot sa ilang mga representante ang dagkong kadaugan sa Laga daw Malaki ta Bukidnon 2026 Si Rodren Jay Sumbongan sa Tribu Higaonon giproklamar nga Grand Winner sa Malaki ta Bukidnon 2026, nga nagtimaan sa sunod-sunod nga kadaugan sa dakbayan. Nadawat usab niya ang Malaki ta MLhuillier ug Best in Malaki...