VALENCIA CITY, Bukidnon – Magkinahanglan pa og taas nga legal nga proseso ug posible
pang molungtad og pipila ka tuig ang tinguha sa Valencia City nga mahimong Highly Urbanized
City (HUC)

.

Kini ang gipadayag ni kanhi mayor ug kasamtangang City Spokesperson Jose M. Galario Jr. atol
sa press conference niadtong Hulyo 20, 2026.
Matud niya, bisan pa og suportahan sa Presidente sa nasud ang maong tinguha, kinahanglan
gihapon kini nga moagi sa tanang gikinahanglang legal nga proseso, lakip ang pagpahigayon og
plebisito diin ang tanang rehistradong botante sa probinsya sa Bukidnon maoy magbuot kon
aprobahan ba o dili ang HUC status sa Valencia City.
Gipasabot usab ni Galario nga kung makab-ot sa dakbayan ang HUC status, mas mudako ang
mahimong bahin niini sa pondo sa nasud, nga magamit alang sa dugang pang imprastraktura,
pagpalambo sa mga serbisyo publiko, ug ubang mga programa alang sa katawhan.
Samtang, ang resolusyon nga nagsugyot sa pagpadayon sa proseso aron mahimong Highly
Urbanized City ang Valencia City, nga gi-endorso ni Mayor Amie G. Galario, anaa karon sa
deliberasyon sa Sangguniang Panlungsod. (melbmadera)