Gipatay ang isa ka 23anyos nga estudyante sa isa ka pribadong tunghaan sa Malaybalay City,
Bukidnon nga miyembro sa LGBTQ+ community.

Nakit-an ang iyang patay’ng lawas sa kasagbutan nga bahin sa Barangay 1 pasado alas-7:45 sa
buntag niadtong Hulyo 27.
Sa inisyal nga imbestigasyon sa kapulisan, giingong nagkalalis ang biktima ug isa ka lalaki sa
wala pa ang insidente.
Sumala sa isa ka testigo, giingong gihampak sa suspek ang biktima sa ulo gamit ang gahi nga
butang.
Ang biktima, nga residente sa Barangay Sumpong, giingong gipatay gabii pa sa Hulyo 26, base
sa gisulti sa isa ka kaila sa suspek ngadto sa mga imbestigador.
Padayon ang hot pursuit operation sa kapulisan aron madakpan ang giingong suspek, samtang
nagpadayon usab ang imbestigasyon sa maong kaso.
Samtang, si Konsehal Jason Chad J. Ayala giingon nga naghanyag og P50,000 cash reward sa
makatudlo aron masikop ang suspek. (melbmadera)