Panid Bisaya
Babaye gidunggab sa iyang live-in partner sa Don Carlos
0
Share this post?
Isa ka babaye ang gidunggab sa iyang live-in partner gamit ang buak nga botelya samtang nag away sa ilang gipuy-an niadtong Marso 11, 2023 sa Purok 9, Poblacion Sur, Don Carlos, Bukidnon
Ang biktima naila nga si Kimberly Achas, 22 ug isa ka third year college student samtang ang suspetsado mao si Elson Erap Jamisola, 27.
Ang biktima gidala sa ospital apan gideklarang dead on arrival sa attending physician niini. Sumala sa kasayuran, ang suspek nisibat human sa insidente apan nasikop sa mga kapolisan human sa hot pursuit operation.
Giingon nga adunay mainit nga panaglalis ang duha ug wala madugay nahitabo ang krimen. Ang biktima nakaangkon sa mga grabeng samad sa iyang lawas. Ang suspek, sa kasamtangan, anaa ubos sa kustodiya sa Don Carlos Municipal Police Station alang sa tukmang disposasyon. (MG Mayumi B. Madera)
Latest Article
Related Post
Nikabat sa 2,000 native/endemic tree seedlings ang malampusong natanum sa Ngog-ngog Creek sa Sitio Natid-asan, Brgy. Casisang, Malaybalay City, Bukidnon Matod sa Facebook post ni Mayor Jay Warren R. Pabillaran, ang kalihokan napahigayon kaniadtong Nobyembre 22, 2025. Ang maong Tree growing activity alayon sa selebrasyon sa Environmental Awareness Month and National Climate Change Consciousness...
Gipusil sa wala nailang suspek ang 73-anyos nga lalaki samtang nagkaon sulod sa iyang panimalay sa Purok 10, Brgy. 1, Malaybalay City, Bukidnon, gabii sa Nobyembre 23, 2025 Si Police Lt. Col. Joepet B. Paglinawan, chief of Police sa Malaybalay City Police Station, sa iyang report nag-ingon nga ang biktima dali dayong gidala sa Malaybalay...
Duha ka miyembro sa Militia ng Bayan sa New People’s Army ang boluntaryong mi-surrender sa mga otoridad sa managlahing operasyon nga gipasiugdahan sa 2nd Bukidnon Provincial Mobile Force Company (PMFC) sa Don Carlos, Bukidnon, niadtong Nobyembre 22 ug 23, 2025 Sumala sa report sa Police Regional Office 10, sila ilalom sa gi-dismantle nga Sub-Regional Committee...