Kaniadtong Pebrero 7, 2025, gitugyan na ang usa ka Level II Gravity Fed water system project sa Purok 3, Brgy. Kisolon, Sumilao, Bukidnon

Ang seremonya natigayon sa Barangay Covered Court sa Barangay Kisolon.
Ang proyekto ubos sa Department of Social Welfare and Development (DSWD) Kapit-Bisig Laban sa Kahirapan Comprehensive and Integrated Delivery of Social Services (KALAHI-CIDSS) Kapangyarihan at Kaunlaran sa Barangay (KKB).
Ang buhatan ni Senador Imee R. Marcos ang naghatag og P5 million nga pondo apan ang proyekto nikantidad lang og P3.9 million.
Ingon ni Punong Barangay Atty. Veronica Vera Socorro V. Lumantas, ang sobra nga pondo ilang iuli.
Si Lumantas uban ni Sumilao Mayor Jose Antonio Villo, managlahing namahayag sa media sa ilang bug-os nga pasalamat kang Senador Marcos sa proyekto niini.
Sa pipila ka gutlo, ang Senador nakighinabi sa mga sektor nga nitambong sa kalihokan kabahin sa ilang mga huna-huna. (melbmadera)