Tuesday, February 25, 2025
Panid Bisaya
DPWH employee gipusil sa Valencia
0
Share this post?
Isa ka empleyado sa Department of Public Works and Highways (DPWH) ang gipusil patay sa Purok 2-A, Barangay Kahaponan, Valencia City, Bukidnon niadtong Nobyembre 13 pasado alas 11:30 sa buntag
Ang 44-anyos nga lalaking biktima isa ka road maintenance sa DPWH kinsa residente sa Purok 4, San Fernando, Bukidnon.
Gitaho nga ang biktima kamulong nag-spray sa mga sagbot duol sa Kapalong-
Talaingod-Valencia Road sa dihang giduolan ug dayong gipusil kini sa duha ka wala mailhi nga lalaki.
Siya gipusil sa makadaghan nga higayon sa lain-laing parte sa iyang lawas gamit ang .45 caliber pistol hinungdan sa iyang hinanaling kamatayon.
Si Police Lt. Col. Mitchel Clemencio sa Valencia City Police Station mitaho nga ang biktima gidala sa Adventist Medical Center (Sanitarium) sa Valencia apan gideklara kini nga dead on arrival.
Ang mga suspek mikalagiw sa wala masayri nga direksyon human sa krimen.
Sa kasamtangan, ang pulisya nagpadayon sa ilang imbestigasyon sa pag ila sa mga suspetsado ug pagsuta sa motibo sa insidente. (MG Mayumi B. Madera)
Latest Article
Related Post
Kaniadtong Pebrero 7, 2025, gitugyan na ang usa ka Level II Gravity Fed water system project sa Purok 3, Brgy. Kisolon, Sumilao, Bukidnon Ang seremonya natigayon sa Barangay Covered Court sa Barangay Kisolon.Ang proyekto ubos sa Department of Social Welfare and Development (DSWD) Kapit-Bisig Laban sa Kahirapan Comprehensive and Integrated Delivery of Social Services (KALAHI-CIDSS)...
Isa ka anti-terrorism forum nga gipangunahan sa 48th Infantry Battalion sa 7th Infantry Division ang gipahigayon sa Maramag Municipal Hall kaniadtong Pebrero 10, 2025.Katambayayong sa kalihokan ang lokal nga kagamhanan sa Maramag Sumala sa kasayuran sa LGU Maramag, ang forum nagpundok sa sektor sa negosyo aron matubag ang mga nagpilit nga isyu bahin sa kalinaw,...
Pormal nga gipresenta sa publiko ang pinakaunang K9 Detection Unit alang sa dugang seguridad sa dakbayan sa Malaybalay Sumala sa kasayoran, natigayon kini atol sa 2nd Monday Convocation Program niadtong Pebrero 10, 2025. Si Konsehal Royland M. Orquia, committee chair sa Peace and Order sa Sangguniang Panlungsod, nipasabot sa kamahinungdanon sa paggamit sa trained K9...