Miduyog sa selebrayson sa Kaamulan 2023 ang celebrity bands nga Chocolate Factory niadtong Abril 22, 2023 ug Manila Artist nga Gigi De Lana & The Gigi Vibes, niadtong Abril 23, 2023 sa Centennial Stage, Capitol Grounds, Malaybalay City, Bukidnon

Ang Provincial Government sa Bukidnon mipahibalo nga sa katapusang gabii sa selebrasyon, gisugdan kini sa isa ka Pyro Musical Firework diin mitambong ang mga lideres sa kagamhanang probinsyal sa Bukidnon ug ang pipila ka mga miyembro sa Sangguniang Panlalawigan, uban sa mga lideres sa matag lungsod ug syudad sa lalawigan, agig paghatag sa ilang dakung suporta sa tinuig nga selebrasyon sa Kaamulan.

Kauban sa mihatag ug lingaw sa gabii sa Abril 23, 2023 sila Soulflytrio, Decal Vibration, Pinikpikan – ang original singer and composer sa festival theme song nga “Kaamulan”, ug The Dukes gikan sa Davao City, Nova Abaniel ug ang multi awarded singer/composer, kinsa usa sa mga garbo sa Bukidnon nga si Boss Ato Arman. (Diego M. Hidalgo)