Thursday, July 11, 2024

Panid Bisaya

Mga kanhing miyembro sa Bukidnon Media, gihatagan sa posthumous award

0

Central Mindanao Newswatch - local newspaper

Share this post?

Mukabat sa 37 ka kanhing miyembro sa Bukidnon Media ang gihatagan sa posthumous award niadtong Septiyembre 8, 2023

Ang pasidungog gihatag isip pag-ila sa ilang kontribusyon sa Probinsya sa Bukidnon isip miyembro sa print ug broadcast media diha sa paghatod sa mga balita.

Ang awarding gipahigayon sa hapon didto sa Kaamulan Open Theatre, Kaamulan Park, Malaybalay City.

Ang award gidawat sa miyembro sa pamilya sa mga nasampit nga kanhing media.

Pipila kanila mao si kanhi Central Mindanao Newswatch publisher Pepito Maguale Sr., kanhi konsehal sa Malaybalay nga si Dioscoro Pontillas sa DXDB, kanhi station manager sa RMN Malaybalay nga si Angelito “Boy” Paraguya, kanhi station manager sa Radyo Natin Manolo nga si Milky Lozarita, ug kanhi commentator sa DXGT Radyo Abante sa Valencia kinsa gipusil patay nga si Joas Dignos.

Ang kalihokan alayon sa unang gipahigayon nga Bukidnon Press Freedom Week.

Kini naka-angkla sa napirmahan nga RA 11699 ni kanhi Presidente Rodrigo Duterte nga nagdeklara sa Agosto traynta sa matag tuig isip “National Press Freedom Day”.

Naghatag kini og pag-ila kang Marcelo H. Del Pilar, isip amahan sa Philippine Journalism. (MG Mayumi B. Madera)

Related Post

Mikabat sa 711 ka mga benepisaryo sa Tulong Panghanapbuhay sa Ating Disadvantaged (TUPAD) program gikan sa tulo ka munisipyo sa habagatang bahin sa Bukidnon ang nakadawat na sa ilang suweldo Gikumpirma kini sa Department of Labor and Employment (DOLE-X) Bukidnon Provincial Field Office (BukPFO) pinaagi sa ilang social media post. Ang Tupad payout gipahigayon kaniadtong...
Niadtong Mayo 22, 2024, ang Corn Production Livelihood Project nga nagkantidad og PhP 500,000.00 pormal nga giturn-over sa Silae Corn Growers Association (CGA) Ang proyekto nga gitunol gikan sa National Economic Development Authority (NEDA-10). Ang dakbayan sa Malaybalay giila sa NEDA-10 nga isa sa mga Local Government Unit (LGU) nga maka-avail sa ER 1-94 Funds...
Ang Department of Agriculture – Regional Field Office 10 (DA-RFO 10) mitugyan sa P5.2-million bio-secured ug climate-controlled swine production facility ngadto sa Sinuda Multi-Indigenous Sectoral Farmers and Workers Association (SIMUSOFAWA) niadtong Mayo 23, 2024 sa Kitaotao, Bukidnon Sumala sa kasyoran gikan sa DA-RFO 10, tumong niini aron ma-moderno ug mapausbaw ang kapasidad sa lokal nga...