Aron masiguro ang kahanduman sa mga negosyo nga gidumala sa Indigenous Peoples (IPs), gipahigayon sa Department of Agriculture – Mindanao Inclusive Agriculture Development Project (DA-MIADP) RPCO 10 ang usa ka technical coordination workshop niadtong Abril 22–23, 2026, sa Malaybalay City, Bukidnon

.

Tumong niini ang pagplastar sa mga business plan sa Tumindok Association Inc. (TAI) ug
Pigkaola Tribal Farmers Association (PTFA) gikan sa Bukidnon ICC Ancestral Domain sa Brgy.
Lourdes, Valencia City, Bukidnon.
Gipresentar sa duha ka indigenous peoples’ organizations ang ilang mga sub-project—coffee
consolidation, processing, ug marketing alang sa TAI, ug abaca fiber processing, consolidation,
ug marketing alang sa PTFA—nga gidesinyo aron mapataas ang bili sa produkto ug mapalig-on
ang panginabuhian sa mga IP nga mag-uuma.
Sumala sa DA-MIADP, kini nga mga inisyatiba magtukod og mas malungtarong ekonomiya
sulod sa ilang ancestral domain.
Sa maong workshop, si Jose Apollo Y. Pacamalan, regional executive director sa DA-Regional
Field Office 10 (RFO-X) ug project director sa DA-MIADP RPCO 10, mipadasig sa mga lider sa
Bukidnon ICC nga palapdon ang ilang panan-aw ug tutokan ang dugayng epekto sa ilang mga
proyekto, ilabi na sa pagmintinar sa yutang kabilin ug pagpalambo sa komunidad.
Kauban ang National Commission on Indigenous Peoples (NCIP-10), Department of Trade and
Industry (DTI), Department of Science and Technology (DOST), Philippine Fiber Industry
Development Authority (PhilFIDA), ug Department of Environment and Natural Resources
(DENR-PAMO) sa Mount Kalatungan, uban sa lokal nga panggamhanan sa Valencia City ug
Bukidnon, gisusi sa grupo ang kapasidad sa mga proyekto aron masiguro nga kini mosunod sa
mga sumbanan ug maghatag og malungtarong kaayohan sa komunidad. (melbmadera)