KADINGILAN, Bukidnon — Nasakmit sa mga myembro sa Kadingilan Municipal Police Station ang PHP 1,146,400.00 nga kantidad sa smuggled cigarettes sa checkpoint sa Barangay Bagor, Kadingilan, Bukidnon pasado 11:10 sa buntag niadtong Disyembre 16, 2025

 Sumala sa report ni Police Captain Larry T. Malhin, OIC sa Kadingilan MPS, ang mga kontrabando gikarga sa naharang nga Nissan Livina SUV color black nga gimanehoan sa usa ka 31-anyos nga lalaki.   Gipahigayon ang imbentaryo sa lugar sa presensya sa dinakpan ug gisaksihan sa Kagawad ug SK Chairman sa Barangay Bagor.   Si Police Col. Oliver S. Navales, provincial director sa Bukidnon Police Provincial Office (BPPO), nag-ingon sa usa ka pamahayag nga mas pakusgan pa sa PNP ang pakigbatok niini sa smuggled nga sigarilyo ug dili mohunong hangtod nga mabungkag ang matag ilegal nga operasyon, matag peke nga produkto masakmit, ug ang matag malapason dad-on sa hustisya.   Ang nakumpiskang smuggled cigarettes uban sa dinakpan gi-turn-over sa Bureau of Customs (BOC) o sa hingtungdan nga ahensya alang sa tukmang disposasyon. (Diego M. Hidalgo)