Tuesday, April 29, 2025

Panid Bisaya

Pamilya patay sa aksidente sa Cabanglasan

0

Central Mindanao Newswatch - local newspaper

Share this post?

Isa ka pamilya ang patay human mabangga-e og pick-up truck ang ilang gisakyan nga motorsiklo sa Cabanglasan, Bukidnon

Base sa report sa gma news.com, ang mga biktima giila nga si Nathaniel Montellano, iyang asawa nga si Verlinda, ug ilang 4-anyos nga anak nga si Lexine.

Matod sa taho nga na-angol sab ang ilang pag-umangkon nga si John Paul Agsula.

Sumala sa mga awtoridad, nahitabo ang trahedya sa pakurbang bahin sa national highway sa Barangay Capinonan niadtong Nobyembre 4 sa buntag.

Ang pick-up truck nga gimaneho ni Charlou Camaso, nawala sa linya sa kalsada ug nabangga-an niini ang motorsiklo nga gisakyan sa mga biktima.

Matod ni Police Regional Office-10 Spokesperson Police Major Joann Navarro nga sila magpahigayon sa dugang nga imbestigasyon.

Si Camaso gitaho nga posibleng mu-atubang sa reklamong reckless imprudence resulting in multiple homicide and serious physical injury. (MG Mayumi B. Madera)

Related Post

Kaniadtong Marso 3, 2025, gipahigayon ang Pamuhat, usa ka ritual nga kabahin sa kasaulogan sa 27th Charter Day celebration sa Malaybalay City, Bukidnon Gipahigayon ang maong kalihokan sa New City Hall Grounds sa Barangay Casisang, Malaybalay City. Mitambong sa ritual ang mga baylan ug mga lider sa indigenous peoples sa dakbayan. Anaa usab sa maong...
Nibalor og Php 2,041,360.00 ang gidudahang shabu nga nasakmit sa hiniusang puwersa sa kapolisan atol sa usa ka buy-bust operation sa Purok 1, Barangay Lumbo, Valencia City niadtong hapon sa Marso 1, 2025 Nasikop usab ang lalaking suspek nga si Alyas “Jason,” nga gikonsiderang high-value individual, 25-anyos, ug residente sa Purok 2B, Barangay San Miguel,...
Ang lokal nga pangagamhanan sa Bukidnon, lakip ang 20 ka munisipyo ug duha ka dakbayan sa probinsya, nakapasar sa 2024 Good Financial Housekeeping sa ilang matag kategorya Sumala kini sa Facebook post sa Department of the Interior and Local Government (DILG) Bukidnon. Matod sa DILG Bukidnon, kini nga talagsaong milestone usa ka testamento sa walay...