Panid Bisaya
Security officer samdan sa grenade explosion sa Quezon, Bukidnon
0
Share this post?
Gidala sa Health Center Infirmary sa Quezon, Bukidnon ang isa ka lalaki human nasamad ang tuo nga bahin sa iyang nawong gumikan sa pagbusikad sa isa ka hand grenade gabii sa Setyembre 3, 2025
Sa iyang report, si Police Lt. Col. Noel F. Cano, hepe sa Quezon Municipal Police Station, niila sa biktima nga isa ka 46-anyos nga security officer sa Del Monte Packing House nga nahimutang sa Purok 3, Brgy. San Jose, Quezon.
Sa inisyal nga imbestigasyon, nasayran nga sa wala pa mahitabo ang insidente, ang biktima ug ang iyang kauban sa trabaho nag-inom sa sulod sa mess hall.
Sa dihang nahubog sila, giingon nga gikuha niini ang isa ka hand grenade gikan sa iyang sling bag ug gihuptan, apan wala madugay aksidenteng nahulog ug nibuto.
Si Cano nangayo og tabang gikan sa Bukidnon Explosive and Canine Unit ug sa Bukidnon Forensic Unit alang sa post-blast nga imbestigasyon ug pagproseso sa crime scene. (melbmadera)
Latest Article
Related Post
Patay ang drayber samtang angol ang iyang duha ka kauban human mibangga sa punoan sa narra nga kahoy ang usa ka puti nga Fuso self-loader truck sa Sayre Highway sa Lower Purok 1, Brgy. Kisolon, Sumilao, Bukidnon hapon sa Pebrero 13, 2026 Sa imbestigasyon sa Sumilao Municipal Police Station, nasayran nga gikan sa Malaybalay City...
Isa ka 37-anyos nga lalaki ang nakuryentehan sa Purok 21, Musuan, Dologon, Maramag, Bukidnon hapon sa Pebrero 13, 2026 Sumala sa report sa Maramag Municipal Police Station, nasayran sa imbestigasyon nga nangisda ang biktima gamit ang live wire sa maong lugar. Ikasubo, nasayop siya sa paggunit sa live wire nga hinungdan sa iyang pagkakuryente....
Mikabat sa 22 ka paresan ang miapil sa mass wedding ceremony sa Valentine’s Day nga gipahigayon sa Robinsons Place Valencia niadtong Pebrero 14, 2026 Sumala sa pahibalo sa City Government of Valencia, personal nga gidumala ni Mayor Azucena “Amie” G. Galario ang seremonyas. Ang kalihokan gi-organisar sa City Civil Registrar’s Office ubos sa pagdumala...