Friday, December 20, 2024

Tag: nasunog

Isa ka tunghaan sa Lantapan nasunog

Posted on by Diego M. Hidalgo

Isa ka sunog ang miigo sa Capitan Juan Integrated School sa Purok 1, Brgy. Capitan Juan, Lantapan, Bukidnon hapon sa Mayo 18, 2024

Upat ka mga lawak ang nasunog ug isa ka lawak ang partially burned.

Sumala kini sa report ni Police Major Jessie James M. Lasdoce, OIC sa Lanatapn Municipal Police Station.

Gipahigayon ang pasiunang imbestigasyon sa sa dapit ang gihimo sa Fire Arson Investigator sa Bureau of Fire Protection (BFP) Lantapan.

Subay niini, ang hinungdan sa sunog mao ang isa ka mibuto nga electric grid.

Ang sunog sa ulahi midako tungod sa gaan nga mga materyales ug pagkauga sa giingon nga mga materyales nga gitaod sa edipisyo.

Walay kaswalti o nasamdan sa hitabo.

Ang gibanabana nga structural damage, lakip na ang mga butang, kapin o kulang PhP1,000,000.00. (Diego M. Hidalgo)

7 clarssroom sa Pangantucan CES nasunog

Posted on by cmn

Naugdaw sa sunog ang pito ka mga classroom sa Pangantucan Central Elementary School niadtong Disyembre 9, 2023

Sumala sa report sa kapolisan, giingon nga nagsugod ang sunog sa tunghaan nga nahimutang sa Everlasting Village, Poblacion, Pangantucan, Bukidnon pasado alas 2:15pm.

Nadaut na sa kalayo ang pito ka mga classroom sa dihang nahiabot ang mga miyembro sa
Bureau og Fire Protection (BFP) Pangantucan ug Pangantucan Municipal Police Station (PMPS).

Ang kalayo napugngan sa pagkuyanap sa mga miresponding BFP uban sa mga miyembro sa Municipal Disaster Risk Reduction and Management Council (MDRRMC).

Gideklarar ang Fire Out pasado alas 5:20pm sa maong adlaw.

Dugang pa, walay gikataho nga casualty sa hitabo.

Pagasutaon pa sa BFP Pangantucan ang hinungdan lakip na ang gibanabana nga kantidad sa damyos sa sunog. (melbmadera)

5 balay nasunog sa Valencia

Posted on by Omar Rashid Z. Abdullah

Naugdaw ang lima ka mga balay sa nahitabong sunog sa Purok 3A, Brgy. San Isidro, Valencia City, Bukidnon gabii sa Nobyembre 17

sa sunog ang Valencia City Bureau Fire Protection ug napalong nila ang kalayo. Giingon nga ang kalayo nagsugod sa panimalay sa isa ka Romeo Tongal.

Walay natalang namatay o nasamdan sa hitabo apan ang damyos gibanabanang muabot sa P280,000.00.

Sa pagkutlo ning balita padayon pa ang imbestigasyon sa BFP Valencia aron pagsuta sa hinungdan sa sunog. (Omar Rashid Z. Abdullah)