Tag: PSWDO

NAHIMONG sentro sa kasaulogan sa Drug Abuse Prevention and Control (DAPC) Week ug National Children’s Month (NCM) ang pagtinabangay sa mga hingtungdang ahensya sa gobyerno alang sa pagprotekta sa mga kabataan batok sa paggamit sa ilegal nga drogra o substance use, pinaagi sa gipahigayon nga Preventive Drug Education Symposium, Nobyembre 13, 2023 sa Loiza’s Pavilion, Casisang, Malaybalay City, Bukidnon

Gipadangat ni Board Member Minerva C. Casinabe sa 3rd District ug Vice Chairman sa Provincial Child Protection Council (PCPC) ang iyang mensahe sa maong okasyon, “𝐶𝑜𝑙𝑙𝑎𝑏𝑜𝑟𝑎𝑡𝑖𝑜𝑛 𝑖𝑠 𝑡ℎ𝑒 𝑘𝑒𝑦, 𝑤𝑒 𝑚𝑢𝑠𝑡 𝑤𝑜𝑟𝑘 ℎ𝑎𝑛𝑑 𝑖𝑛 ℎ𝑎𝑛𝑑 𝑤𝑖𝑡ℎ 𝑠𝑐ℎ𝑜𝑜𝑙𝑠, 𝑐𝑜𝑚𝑚𝑢𝑛𝑖𝑡𝑦 𝑙𝑒𝑎𝑑𝑒𝑟𝑠, 𝑙𝑎𝑤 𝑒𝑛𝑓𝑜𝑟𝑐𝑒𝑚𝑒𝑛𝑡, 𝑎𝑛𝑑 ℎ𝑒𝑎𝑙𝑡ℎ𝑐𝑎𝑟𝑒 𝑝𝑟𝑜𝑓𝑒𝑠𝑠𝑖𝑜𝑛𝑎𝑙𝑠 𝑡𝑜 𝑖𝑚𝑝𝑙𝑒𝑚𝑒𝑛𝑡 𝑐𝑜𝑚𝑝𝑟𝑒ℎ𝑒𝑛𝑠𝑖𝑣𝑒 𝑝𝑟𝑜𝑔𝑟𝑎𝑚𝑠 𝑡ℎ𝑎𝑡 𝑎𝑑𝑑𝑟𝑒𝑠𝑠 𝑡ℎ𝑒 𝑟𝑜𝑜𝑡 𝑐𝑎𝑢𝑠𝑒𝑠 𝑜𝑓 𝑠𝑢𝑏𝑠𝑡𝑎𝑛𝑐𝑒 𝑢𝑠𝑒 𝑏𝑦 𝑏𝑢𝑖𝑙𝑑𝑖𝑛𝑔 𝑎 𝑢𝑛𝑖𝑡𝑒𝑑 𝑓𝑟𝑜𝑛𝑡. 𝑊𝑒 𝑠𝑡𝑟𝑒𝑛𝑔𝑡ℎ𝑒𝑛 𝑜𝑢𝑟 𝑎𝑏𝑖𝑙𝑖𝑡𝑦 𝑡𝑜 𝑐𝑟𝑒𝑎𝑡𝑒 𝑎 𝑙𝑎𝑠𝑡𝑖𝑛𝑔 𝑐ℎ𝑎𝑛𝑔𝑒 𝑎𝑛𝑑 𝑝𝑟𝑜𝑣𝑖𝑑𝑒 𝑎 𝑠𝑢𝑝𝑝𝑜𝑟𝑡𝑖𝑣𝑒 𝑛𝑒𝑡𝑤𝑜𝑟𝑘 𝑓𝑜𝑟 𝑜𝑢𝑟 𝑐ℎ𝑖𝑙𝑑𝑟𝑒𝑛.”
Basi sa statistics sa Dangerous Drugs Board 2022 nga gi-presenta sa Department of Health (DOH)-Drug Abuse Treatment and Rehabilitation Center (DATRC- Bukidnon), nasayran nga sa mga rehabilitation facilities nga gidumala sa DOH sa tibuok nasud, 3.49% sa mga admitted patient niini mga estudyante, kinsa nalambigit sa ilegal nga droga ug .88% niini ang out-of-school-youth.
Sa maong kalihukan, gipalawom ang pagpasabot sa mga ginadiling druga ug mga epekto niini, ingon man ang epekto niini ngadto sa kabataan, ug ang proseso sa SBIRT nga mao ang screening, brief intervention and referral to treatment, lakip ang child protection and support. Mitambong sa maong tigum ang PCPC members, City/Municipal Health Officers, City/Municipal Social Welfare & Development Officers, Local Youth Development Officers, City/Municipal Population Officers ug mga kapulisan nga anaa sa Women and Children Protection Desk (WCPD).
Ang kasaulogan sa DAPC week nahisubay ubos sa mando sa Presidential Proclamation No. 124 ug ang NCM ubos sa Republic Act 10661, nga gipasiugdahan sa Pangagamhanang Probinsyal sa Bukidnon, pinaagi sa Provincial Social Welfare & Development Office (PSWDO) sa pakigtimbayayong sa DOH DATRC- Bukidnon