Nasikop sa joint police operation ang isa ka 43-anyos nga lalaki, nga giila sa kapulisan isip Top 8
Regional Priority Target o High Value Individual (HVI) sa illegal drugs, atol sa pagpatuman sa
search warrant sa Barangay Malipayon, Pangantucan, Bukidnon niadtong Agosto 29, 2026.

Sumala sa police report, gipahigayon ang operasyon sa mga personnel sa Provincial Drug
Enforcement Unit ug Pangantucan Municipal Police Station, uban sa Provincial Intelligence Unit
sa Bukidnon Police Provincial Office.
Gipatuman sa mga otoridad ang Search and Seizure Warrant Order No. RTC-OCC 43-26 nga
gipagawas niadtong Agosto 26, 2026 tungod sa gituohang paglapas sa Republic Act No. 9165 o
Comprehensive Dangerous Drugs Act of 2002.
Atol sa pagpangita, nasakmit sa mga pulis ang pito ka heat-sealed transparent plastic sachets nga
gituohang shabu, nga adunay kinatibuk-ang gibug-aton nga 60.5 gramos ug gibanabana nga
nagkantidad og ₱411,400.
Nasakmit usab ang pipila ka mga gamit nga giingong may kalabutan sa paggamit o pag-andam
sa illegal nga droga, lakip ang mga disposable lighter, aluminum foil, tooters, improvised
bamboo sealers, weighing scale, cellophanes ug uban pang paraphernalia.
Ang mga nasakmit nga drug items gidala sa Bukidnon Provincial Forensic Unit alang sa
qualitative ug quantitative examination.
Giapandam na sa kapulisan ang mga kaso batok sa suspek tungod sa gituohang paglapas sa
Sections 11 ug 12, Article II sa R.A. No. 9165, nga ipasaka sa korte.
Ang nadakpan anaa karon sa kustodiya sa Pangantucan Municipal Police Station alang sa
dokumentasyon ug hustong disposisyon. (melbmadera)