Gibansay ang mga myembro sa Bukidnon media kaniadtong Agosto 27, 2025, nunot sa ikatulong kasaulogan sa Bukidnon Freedom Week

Ang kalihokan gipahigayon sa Kaamulan Open Theater, Kaamulan Park, Malaybalay City, Bukidnon.

Si Atty. Juhainah L. Tanog sa Legal and Protection Unit sa Philippine Drug Enforcement Agency (PDEA) Regional Office 10 ang nihatag sa Do’s and Don’ts sa media ubos sa Section 21 sa RA 9165 kon Comprehensive Dangerous Drugs Act of 2002. Nabutyag niya nga ning ulahi, subay sa statistics, ubos ang conviction rate sa mga kaso nga gigunitan sa PDEA.

Si Fiscal Porchia Mae Serrano-Okit sa Office of the Provincial Prosecutor-Bukidnon ang nipasabot sa protocols alang sa media interaction panahon sa criminal investigations. Gitin-aw niya nga dinadili na ang media o bisan kinsa nga mosulod sa crime scene kon wala pa nahuman ang pagproseso sa mga imbestigador.

Ang station manager sa RMN-DXMB Malaybalay nipaambit sa professional development alang sa broadcasters.

Nipaambit sab sa kahanas si Information Officer II sa Philippine Information Agency (PIA) Region 10, nga si Mr. Shaun Alejandre Y. Uy. Nakatutok siya kabahin sa photography sa news sa social media pages, ug social media production ug videography alang sa news o information. (melbmadera)