Nadakpan sa hiniusang operasyon sa kapulisan ang isa ka 47-anyos nga lalaki nga giklasipikar
isip ikaduhang most wanted person sa provincial level ug unang most wanted sa city level,
tungod sa kasong murder, sa Sitio Maligapok, Barangay San Antonio, Talakag, Bukidnon, alas
12:57 sa kaadlawon niadtong Oktubre 10, 2026

Giila sa kapulisan ang dinakpan nga si Jovanie Oblemar Ibañez, alyas “Vanie,” minyo ug
residente sa Purok 6, Barangay Casisang, Malaybalay City.
Gipahigayon ang operasyon sa mga personahe sa Talakag Municipal Police Station, Malaybalay
City Police Station, 1st Bukidnon Provincial Mobile Force Company, Provincial Intelligence
Unit, Bukidnon Police Provincial Office ug 1004th Maneuver Company sa Regional Mobile
Force Battalion 10.
Ang pagdakop gipatuman pinaagi sa warrant of arrest nga gipagawas ni Judge Wilfredo Gutang
Bibera Jr. sa Regional Trial Court, 10th Judicial Region, Branch 46, Malaybalay City, niadtong
Oktubre 21, 2025, ubos sa Criminal Case No. 46894-25 alang sa kasong murder. Walay
piyansang gitakda sa maong warrant.
Gidala ang suspek sa Talakag Municipal Police Station alang sa dokumentasyon ug hustong
disposisyon sa kaso.
Gidayeg ni Bukidnon Police Provincial Director PCOL Oliver Sotto Navales ang mga personahe
nga miapil sa operasyon ug gipasiugda ang kamahinungdanon sa kooperasyon sa komunidad
aron mapalig-on ang kalinaw ug seguridad sa probinsya. (melbmadera)