Giablihan sa lokal nga panggobyerno sa Valencia City ang bag-ong Inland Fish ug Organic
Products Trading Center sa OTP Building, New Terminal, niadtong Oktubre 14, aron
mapalapdan ang merkado sa lokal nga mga mag-uuma ug prodyuser sa organikong produkto

Ubos sa temang “Promoting Local, Supporting Farmers, and Bringing Fresh and Healthy
Products Closer to the Community,” gitumong sa pasilidad nga mapadali ang pagbaligya sa lokal
nga mga abot ug mas sayon nga maangkon sa katawhan ang presko ug masustansiyang pagkaon.
Sigun sa city govetnment sa Valencia, misalmot sa pag-abli si Valencia City Mayor Amie
Galario, Vice Mayor Greizl Galario-Fernandez, Councilor Rolly Hera Jr., chair sa konseho sa
komite sa agrikultura, ug mga representante sa sektor sa pangisdaan ug organikong agrikultura.
Gipakita usab sa kalihokan ang nagkalainlaing produkto sa lokal nga mga prodyuser ug
organisasyon, lakip ang TATEH, BFF Farms, EPI Philippines, 1 Natures Phils. ug organikong
mag-uuma nga si Faustino Bravo Pante.
Ang inisyatiba kabahin sa Agricultural Modernization and Innovative Exploration (AMIE)
program sa siyudad, nga nagtumong sa pagpalig-on sa lokal nga panginabuhian ug pagpalambo
sa sektor sa agrikultura.
Gilauman nga ang trading center mahimong dugang nga agianan sa mga mag-uuma ug prodyuser
aron maabot ang mas daghang konsumidor ug mapalig-on ang pagpalit ug pagsuporta sa lokal
nga mga produkto. (melbmadera)