Panid Bisaya
Gas Station sa Pangantucan gitulis
0
Share this post?
Gitulis sa duha ka lalaking suspek ang Velox Fuel Station sa Everlasting Village, Brgy. Poblacion, Pangantucan, Bukidnon, buntag sa Setyembre 1, 2025
Nasayran kini sa report ni Police Captain Christopher P. Tuzara II, OIC sa Pangantucan Municipal Police Station (PMPS).
Sa inisyal nga imbestigasyon sa kapolisan, nasuta nga ang cashier ug supervisor sa gasolinahan nag-andam na unta sa pag-ihap sa koleksyon alang sa halin sa niaging adlaw.
Apan, sumala pa, kalit lang nisulod sa ilang opisina ang wala nailhing mga suspetsado ug nagtutok kanila og armas de fuego.
Gitapalan pa sa mga suspetsado og packaging tape ang duha ka mga babayeng empleyado aron dili makalihok.
Pagkahuman, gikuha sa mga suspek ang kwarta nga anaa sa cash drop, nga ang kantidad wala pa matino, ug pagkahuman nilayas paingon sa direksiyon sa Kalilangan, Bukidnon. (Omar Rashid Z. Abdullah)
Latest Article
Related Post
Nasikop sa hiniusang puwersa sa kapolisan ang Top 1 Most Wanted Person (MWP) sa probinsya atol sa operasyon nga gipahigayon gabii sa Hunyo 8, 2026, sa Purok 2, Barangay Libertad, Quezon, Bukidnon Sumala sa report sa kapolisan, ang nadakpan nailhang si Kristian Padayogdog Aragon, 20 anyos, ulitawo, mag-uuma, ug residente sa Purok 4, Barangay San...
Patay ang usa ka ahente sa real estate human kini gipusil sa usa ka wala mailhing gunman samtang pauli gikan sa usa ka iskedyul sa pagtan-aw og kabtangan sa Purok 7, Barangay South Poblacion, Maramag, Bukidnon, hapon sa Hunyo 5, 2026 Sumala sa report sa kapolisan, ang biktima usa ka hingkod nga lalaki ug residente...
Isa ka 31-anyos nga babaye ang gikawatan sa duha ka wala mailhing lalaki buntag sa Hunyo 3, 2026 Sumala sa report sa kapolisan, gikawat sa mga suspek ang bag sa biktima nga adunay sulod nga kwarta nga mokabat sa PhP40,000.00 cash, mga alahas nga bulawan nga gibana-bana nga mobalor og PhP100,000.00, mga ID, ug uban...