Gipahigayon sa Department of Agrarian Reform (DAR), sa koordinasyon sa Central Mindanao
University (CMU), ang pag-validate sa mga rekord sa yuta ug aktuwal nga pagsurbi sa mga
utlanan sa luna sa unibersidad sa Barangay Dologon, Maramag, niadtong Oktubre 6, 2026.

Sumala sa 89IB, atol sa kalihokan, gipatin-aw ni Jammal G. Pangandaman, Provincial Agrarian
Reform Program Officer II sa DAR-Bukidnon, ang mga pamaagi, legal nga basihan ug
dokumentong gikinahanglan sa pag-validate sa yuta aron matino ang tukmang kahimtang ug mga
utlanan niini base sa opisyal nga mga rekord ug nagpatuman nga balaod.

Human sa maong diskusyon, mipadayon ang mga personahe sa Philippine Army, Philippine
National Police (PNP) ug Provincial Agrarian Reform Office sa aktuwal nga pagsurbi sa luna
sulod sa CMU sa Barangay Dologon.
Gitumong sa maong kalihokan ang pagpatin-aw sa mga utlanan sa yuta, pagsusi sa tukmang
dokumentasyon ug pagpamenos sa posibleng panaglalis bahin sa pagpanag-iya o paggamit sa
luna.
Gipasiugda usab sa kalihokan ang kamahinungdanon sa koordinasyon sa mga ahensiya sa
gobyerno ug mga institusyong pang-edukasyon aron masiguro nga ang mga kalihokan nga may
kalabotan sa yuta ipatuman subay sa legal nga mga pamaagi ug naglungtad nga mga polisiya.
Pinaagi sa tukmang pag-validate ug pagsurbi, gilaom nga mas mapalig-on ang kahapsay sa
pagdumala sa yuta ug malikayan ang mga problema nga mahimong motumaw tungod sa dili
klarong mga utlanan ug rekord. (melbmadera)