Naluwas sa mga personnel sa kapulisan ang isa ka 33 anyos nga babaye human mapugngan ang
gituohang pagsulay og paghikog sa Atugan Bridge, daplin sa Sayre Highway, Barangay Capitan
Bayong, Impasug-ong, Bukidnon hapon sa Agosto 3, 2026

Ang mga miyembro sa Revitalized Police Sa Barangay (RPSB) Impasug-ong Cluster ang
mitabang sa babaye human sila maalertohan sa isa ka concerned citizen mga alas 1:09 sa hapon
samtang nagpahigayon sila og traffic control operation sa maong lugar.
Dali nga mitubag ang mga pulis ug ilang gikaduol ang babaye nga nagbarog sa daplin sa tulay.
Pinaagi sa mahinay ug maampingong pakig-istorya, ilang napugngan ang iyang tuyo ug luwas
siyang natabangan.
Atol sa interbensyon, giangkon sa babaye ngadto sa mga otoridad nga nakaangkon siya og
personal ug problema sa pamilya nga nakaapekto sa iyang kahimtang ug hinungdan sa iyang
paghunahuna sa pagkuha sa kaugalingong kinabuhi.
Matud ni Capt. Keir Jhon Hallasgo, officer-in-charge sa Impasug-ong Municipal Police Station,
i-refer ang babaye ngadto sa angay nga ahensya sa gobyerno alang sa psychosocial intervention
ug dugang nga suporta. (melbmadera)