Saturday, April 20, 2024
Panid Bisaya
Brgy. Kagawad gisikop sa Manolo Fortich
0
Share this post?
Isa ka kagawad sa barangay ang nasikop sa buy bust operation sa hiniusang puwersa sa kapolisan sa Manolo Fortich, Bukidnon pasado alas 12:30 sa hapon niadtong Mayo 21.
Ang suspek nailang si Edmond Licuanan y Abejo, 45, minyo, ug Kagawad sa Brgy. Damilag, Manolo Fortich, Bukidnon.
Si Police Major Noel F. Cano, hepe sa kapolisan sa Manolo Fortich sa iyang report, niingon nga ang suspek giila nga high value target sa kapolisan ug Philippine Drug Enforcement Agency (PDEA) sa Bukdinon.
Nakuha gikan sa suspek ang P500.00 buy bust money, selpon ug lima ka pakite sa giduduhang shabu nga adunay estimated street value nga P3,060.
Ang suspek ug nasakmit nga mga ebidensya ang gidala sa Police Regional Crime
Laboratory 10 sa Cagayan de Oro City. Gihikay na sab sa kapolisan ang kaso batok sa suspek.
Latest Article
Related Post
Isa ka lalaki ang namatay sa gidalhan nga hospital human nahulog sa roof top sa tennis court sa isa ka tunghaan sa Valencia City, Bukidnon Sumala sa kasayoran, ang biktima nailang si Cristian Ela, 20, residente sa Mt. Nebo, Valencia City. Ang biktima nagtrabaho sa Mountain View College (MVC) sa Mt. Nebo. Nadala pa siya...
Isa ka lalaki ang gidunggab patay sa iyang manghod didto sa Purok 9, Romagook, Kibawe, Bukidnon Ang insidente nahitabo gabii sa Marso 26, 2024, sumala kini sa report ni Police Major Jayvee G. Babaan, OIC sa Kibawe Municipal Police Station. Ang 31-anyos nga biktima nakaangkon sa grabing samad dinunggaban sa tuong dughan ug tiyan. Gidala...
Gidala sila sa Saint Joseph Southern Bukidnon Hospital. Patay ang isa ka lalaki samtang angol ang kauban niining trabahante human nakuryentihan sa ilang gitrabahoan sa Purok 8, Brgy. San Miguel, Maramag, Bukidnon Sumala sa report nahitabo kini niadtong Marso 27, 2024 samtang nagtabaho sa Universal Harvester Dairy Farm Inc. sa dapit. Gidala sila sa Saint...
