Brgy. Kagawad gisikop sa Manolo Fortich

Central Mindanao Newswatch - local newspaper

Central Mindanao Newswatch – local newspaper

Isa ka kagawad sa barangay ang nasikop sa buy bust operation sa hiniusang puwersa sa kapolisan sa Manolo Fortich, Bukidnon pasado alas 12:30 sa hapon niadtong Mayo 21.

Ang suspek nailang si Edmond Licuanan y Abejo, 45, minyo, ug Kagawad sa Brgy. Damilag, Manolo Fortich, Bukidnon.

Si Police Major Noel F. Cano, hepe sa kapolisan sa Manolo Fortich sa iyang report, niingon nga ang suspek giila nga high value target sa kapolisan ug Philippine Drug Enforcement Agency (PDEA) sa Bukdinon.

Nakuha gikan sa suspek ang P500.00 buy bust money, selpon ug lima ka pakite sa giduduhang shabu nga adunay estimated street value nga P3,060.

Ang suspek ug nasakmit nga mga ebidensya ang gidala sa Police Regional Crime
Laboratory 10 sa Cagayan de Oro City. Gihikay na sab sa kapolisan ang kaso batok sa suspek.

Omar Rashid Z. Abdullah

Read Previous

Mangima Spring Resort and Bike Park temporaryong gisira

Read Next

Laing hugna sa pagpamakuna sa Malaybalay gipahigayon