Nakorner sa hiniusang pwersa sa kapolisan ang Top 1 most wanted person (MWP) sa Bukidnon niadtong Oktubre 21, 2023

Ang suspek giila sa alyas nga “Jeljel Ravidas”, isa ka kanhi rebelled, 32, ulitawo, laborer, ug residente sa Purok 2, Brgy. Sil-ipon, Libona, Bukidnon.

Sumala sa taho ni Police Capt. Manolito E. Budo sa Libona Municipal Police Station, ang suspek gisikop sa kasong murder.

Gitaho nga gi-serve ang warrant of arrest batok sa supek didto sa Malaybalay City Jail, BJMP, Brgy. Patpat, Malaybalay City, Bukidnon.

Ang suspek gidala na sa kustodiya sa Libona MPS alang sa hustong disposasyon.

Sa laing bahin, nasikop sab sa kapolisan ang Top 10 MWP sa Bukidnon.

Gibutyag ni Police Capt. Christopher P. Tuzara II sa Kitaotao MPS nga ang gisikop naila nga si Mark Adim alyas John Mark “Acoy” Adim, hingkod, laborer, ug residente sa Brgy.Sagundanon, Kitaotao, Bukidnon.

Gisikop ang suspek sa tulo ka ihap sa kasong statutory rape nga may kalabutan sa RA 7610 o Special Protection of children Against Child Abuse, Exploitation and Discrimination Act.

Ang arestado anaa na ubos sa kustodiya sa Kitaotao MPS alang sa hustong disposasyon. (MG Mayumi B. Madera)