Baynte ka sinakong giabandonang mineral ores ang nadiskubre ug nasakmit sa daplin sa dalan sa usa ka hilit nga bahin sa Sityo Limonsodan, Barangay Lantud, Talakag, Bukidnon, niadtong hapon sa Disyembre 30, 2025

Base sa mga sirkumstansya nga naglibot sa pagkadiskubre—lakip ang gidaghanon ug paagi sa pag-abandonar—gituohang ang maong mga mineral ores naggikan sa ilegal nga pagmina.

Sumala sa report ni Police Major Kevin P. Bangsoy, hepe sa Talakag Municipal Police Station, ang mga nasakmit nga mineral ores gibanabanaang adunay market value nga mokabat sa ₱61,000.00.

Human sa inventory, ang mga mineral ores giturn-over ngadto sa Mines and Geosciences Bureau (MGB) sa Department of Environment and Natural Resources (DENR) alang sa tukmang disposisyon, verification, ug dugang angay nga aksyon subay sa mga balaod sa pagmina ug kinaiyahan. (melbmadera)