Sunday, September 14, 2025

Panid Bisaya

Kampyon sa Asian Junior Masters – Class D Golf Tournament, gipasidunggan sa SP

0

Central Mindanao Newswatch - local newspaper

Share this post?

Gipasidunggan sa 27th Sangguniang Panlalawigan (SP) si Ralph Rian “Apollo” Batican gikan sa lungsod sa Libona, Bukidnon, kinsa nahimong kampiyon sa Asian Junior Masters – Class D Golf Tournament nga gipahigayon sa Blue Canyon Country Club, Phuket, Thailand niadtong Pebrero 3-5, 2023

Isa ka congratulatory resolution ug tseke nga nagkantidad sa ₱100,000.00 ang gitunol nila ni Provincial Governor Rogelio Neil P. Roque ug Vice-Governor Clive D. Quiño, kauban ang miyembro sa 27th SP ngadto kang Batican, atol sa gipahigayon nga Monthly Convocation sa Pangagamahanang Probinsyal niadtong Marso 6, 2023.

Ang kadaogan ni Batican isa ka testamento sa iyang determinasyon ug dedikasyon uban ang dakong pagsalig sa Diyos, kakugi ug disiplina, kinsa magsilbi nga sumbanan sa tanang aspiring athletes, ilabi na sa mga kabataan nga nagtinguha sa pagkab-ot sa ilang gipili nga natad sa dula.

Gipanghinaot usab nga ang kalampusan ni Batican isip kampiyon sa gipahigayon nga Junior Golf Foundation Philippines niadtong Enero 27-29, 2023 sa Pueblo de Oro Golf Club, magbukas og daghang oportunidad sa mga aspiring golfers ug sa uban pang mahiligon sa dula, nga magpabiling lig-on taliwala sa mga hagit sa isa ka atleta.

Nakighiusa usab ang SP sa pagpangayo sa Diyosnong kaluoy aron padayon siyang giyahan ug protektahan sa tanan gimbuhaton, sa ingon, makaangkon ug daghan pang kadaugan sa umaabot. (PR)

Related Post

Nakuha ang P795,600.00 nga kantidad sa gidudahang shabu sa buy-bust operation sa Purok 2, Brgy. Bang-bang, Kalilangan, Bukidnon, gabii sa Setyembre 3, 2025 Si Police Captain Romeo M. Arcilla, OIC sa Kalilangan Municipal Police Station (KMPS), sa iyang report, niila sa lalaking 37-anyos nga suspek nga si alyas “Pong-Pong,” kinsa giilang isa ka high value...
Duha ka lalaki ang gipamusil patay sa Purok 7, Brgy. Vintar, Valencia City, Bukidnon hapon sa Setyembre 10, 2025 Sa report ni Police Lt. Col. Bryan M. Panganiban, hepe sa Valencia City Police Station (VCPS), nasayran nga ang duha parehong 45-anyos ug mga residente sa Sityo San Roque, Brgy. Kahapunan sa maong dakbayan. Napakita sa...
Ubos sa kustodiya sa Kadingilan Municipal Police Station (KMPS) ang duha ka babaye kinsa giingong nalambigit sa thief incident nga nahitabo sa Purok 5, Brgy. Poblacion, Kadingilan, Bukidnon, kaniadtong Setyembre 7, 2025 Sumala sa report ni Police Captain Larry T. Malhin, OIC sa Kadingilan MPS, ang mga nasikop nag-edad og 62-anyos ug 37-anyos. Ang duha...