Thursday, December 07, 2023
Panid Bisaya
Mag-uuma nga naapektuhan sa pagbaha, landslide sa Malaybalay gitunolan og cash aid
0
Share this post?
Gitunolan ang mga mag-uuma sa dakbayan sa Malaybalay nga naapektuhan sa flashfloods ug landslides og cash aid niadtong Agosto 16
Sumala sa pahibalo sa City Government of Malaybalay, niadtong Hunyo 21, lain-laing mga barangay sa dakbayan ang naapektuhan sa Intertropical Convergence Zone (ITCZ) nga nagdala og flashfloods ug pagdahili sa yuta, hinungdan nga gideklara ang State of Calamity sa dakbayan sa Malaybalay
Kinatibuk-ang 22 ka mga barangay ang apektado nga adunay 1,265 ka mag-uuma kansang mga tanom ug fishpond nangadaot.
Ang matag mag-uuma nga adunay totally damaged nga luna nakadawat og Php5,000.00/hectare samtang kadtong adunay partially damage nakadawat og porsiyento sa maong kantidad.
Samtang sa fishpond, ang matag mangingisda nakadawat og Php2,700 matag 100 ka metro kwadrado.
Ang kinatibuk-ang tabang nga gihatag sa mga mag-uuma nagkantidad og Php4,438,302.70. (Omar Rashid Z. Abdullah)
Latest Article
Related Post
Tingkagol sa selda sa kapolisan sa dakbayan sa Malaybalay ang tulo ka mga suspek sa pagpangawat sa Bides residence sa San Isidro St. Ext., Purok 2, Brgy. 9, Malaybalay City, Bukidnon Sila giingon nga nasapon sa biktima uban sa mga silingan pasado alas 8:00 sa gabii niadtong Nobyembre 16. Sumala sa report sa kapolisan, ang...
Naugdaw ang lima ka mga balay sa nahitabong sunog sa Purok 3A, Brgy. San Isidro, Valencia City, Bukidnon gabii sa Nobyembre 17 sa sunog ang Valencia City Bureau Fire Protection ug napalong nila ang kalayo. Giingon nga ang kalayo nagsugod sa panimalay sa isa ka Romeo Tongal. Walay natalang namatay o nasamdan sa hitabo apan...
Gilungkab sa kanhi empleyado ang isa ka Hardware and Construction supply sa Purok 2, Dologon, Maramag, Bukidnon sayong buntag sa Nobyembre 20 Sumala sa report sa kapolisan, pasado alas 6:12 ang takna sa buntag sa dihang nadiskubri sa tag- iiyaang hitabo. Nasuta sa report ni Police Major Erwin R. Naelga, OIC sa Maramag Municipal Police...