Ang nag-unang suspek sa pagpatay sa isa ka kanhi overseas Filipino worker (OFW) namatay
human milukso gikan sa isa sa pinakataas nga mga tulay sa nasud gabii sa Agosto 8, 2026 sa
Impasug-ong, Bukidnon.

Matod sa report, kini nagtapos sa isa ka semana nga pagpangita sa mga awtoridad sa maong
lalaki sa probinsya.
Ang 34-anyos nga suspek milukso sa Atugan Bridge ug gideklarar nga patay na pag-abot sa lokal
nga pasilidad sa panglawas human sa operasyon sa pagkuha sa iyang lawas gikan sa lugot nga
may giladmon nga anaa sa 65-metros.
Giila siya sa mga awtoridad isip nag-unang suspek sa pagpatay sa isa ka kanhi babayeng OFW,
kansang nagkadunot na nga lawas nakit-an sa isa ka plantasyon sa pinya sa munisipyo sa Libona,
Bukidnon niadtong Agosto 3, 2026. (melbmadera)