Thursday, April 25, 2024

Tag: PGB

PGB mihatod og relief goods sa Valencia

Posted on by Omar Rashid Z. Abdullah

Ang Provincial Government of Bukidnon (PGB) mihatod og relief goods ngadto sa local government unit sa Valencia City

Base sa pahibalo sa PGB, ang relief goods gilangkuban sa 150 ka sako sa bugas, 500 nga karton sa beef loaf, ug 30 ka karton sa sardinas.

Ang relief good gitunol ngadto kang City Social Welfare and Development (CSWD) Officer Yvonne Sapanta niadtong Oktubre 21.

Gipakisayud ni CSWD Officer Sapanta nga walo ka mga barangay sa dakbayan ang naapektuhan human masinati ang kalit nga flash flood niadtong Oktubre 19 sa gabie.

Ang mga barangay nga apektado mao ang Poblacion, San Carlos, Lurugan, Lumbo, Sugod, Batangan, Bagontaas, ug Pinatilan.

Gibutyag nga mikabat sa 2,286 ka mga pamilya ang apektado ug duha ang natala nga casualty. (Omar Rashid Z. Abdullah)

Kapin 2K ka seedling gi-apod-apod sa PGB

Posted on by Diego M. Hidalgo

Gi-apod-apod sa Provincial Government of Bukidnon (PGB) ang 2K ka almond ug tanguile seedlings niadtong Oktubre 14, 2023

Base sa pahibalo sa PGB, ang pagpang-apod-apod nahigayon pinaagi sa Bukidnon Environment and Natural Resources (BENRO).

Ang seedlings gi-apod-apod ngadto sa Local Government Units sa lalawigan ug mga katolikong simbahan.

Ang aktibidad gipahigayon alayon sa Fr. Neri Satur Day tree planting activities.

Ubos sa Ordinance No. 2004-06R, gideklara ang Oktubre 14 matag tuig isip Fr. Neri Satur Day sa probinsya sa Bukidnon.

Nahipatik niini ang paglusad sa tree planting activities ug religious rites o mga seremonya sa paghandom sa kamatayon ni Fr. Satur. (Diego M. Hidalgo)

Libreng operasyon sa ngungu, bungi ipahigayon sa Bukidnon

Posted on by cmn

Ang Bukidnon Provincial Medical Center (BPMC) mupahigayon og libreng operasyon sa Cleft Lip and Palate sa Nobiyembre 17-19 ning tuig

Base sa pahibalo sa LGU Bukidnon, ang BPMC miawhag sa tanang gusto mu-avail nga muadto sa ilang pasilidad sa Nobyembre 6-16 alang sa screening.

Gitaho nga bukas kini alang sa mga indibidwal nga nag-edad og isa ka tuig pataas kinsa residente sa tibuok Bukidnon.

Ang surgical mission gi-sponsoran sa Agila Shriners Temple 195-Bukidnon Chapter, sa pakigtimbayayong sa Maharlika Charity Foundation ug sa Provincial Government of Bukidnon. (MG Mayumi B. Madera)

Coffee production project alang sa small coffee farmers gilusad sa PGB

Posted on by cmn

Gilusad sa Provincial Government of Bukidnon (PGB) ang Coffee Production Project alang sa 300 ka small coffee farmers niadtong Oktubre 3, 2023

Base sa pahibalo sa PGB, gipasiugdahan kini sa Provincial Agriculture Office (PAgrO) sa covered court sa Poblacion, Pangantucan, Bukidnon.

Ang 300 ka mag-uuma sa kape nag-gikan sa Barangay New Eden, Barangay Portulin, Barangay Concepcion ug Barangay Mendis sa lungsod sa Pangantucan.

Sila gitumbok nga makadawat sa agricultural ug marine supplies ug uban pa nga ilang magamit sa pagtanum og kape.

Ibansay usab ang maong mga mag-uuma sa insaktong pag-atiman, pagmentinar ug pagproseso sa pagtanom ug kape.

Ang proyekto nagtumong sa pagtukod og 30 ektarya nga coffee plantation sa ginganlan nga mga barangay. (MG Mayumi B. Madera)

Project sites visit, gisugdan ni Gov. Roque

Posted on by cmn

Gisugdan ni Provincial Governor Rogelio Neil P. Roque ang project sites visit sa nagkadaiya nga mga programa ug proyekto sa Provincial Government of Bukidnon, Setyembre 22, 2023 didto sa lungsod sa Quezon, Bukidnon

“𝐴𝑛𝑔 𝑎𝑡𝑜𝑛𝑔 𝑝𝑢𝑟𝑝𝑜𝑠𝑒 𝑖𝑠 𝑖-𝑐ℎ𝑒𝑐𝑘 𝑎𝑛𝑔 𝑎𝑡𝑜𝑛𝑔 𝑚𝑔𝑎 𝑝𝑟𝑜𝑗𝑒𝑐𝑡𝑠 𝑛𝑔𝑎 𝑛𝑎-𝑖𝑚𝑝𝑙𝑒𝑚𝑒𝑛𝑡 𝑛𝑎 𝑢𝑔 𝑎𝑛𝑔 𝑝𝑟𝑜𝑝𝑜𝑠𝑒𝑑 𝑝𝑟𝑜𝑗𝑒𝑐𝑡𝑠 – 𝑘𝑢𝑛𝑔 𝑛𝑎𝑎𝑦 𝑚𝑔𝑎 𝑟𝑒𝑣𝑖𝑠𝑖𝑜𝑛𝑠 𝑠𝑎 𝑑𝑒𝑠𝑖𝑔𝑛 𝑠𝑎 𝑝𝑟𝑜𝑗𝑒𝑐𝑡 𝑛𝑔𝑎 𝑚𝑎𝑘𝑖𝑡𝑎, 𝑘𝑖𝑛𝑎ℎ𝑎𝑛𝑔𝑙𝑎𝑛 𝑚𝑎𝑏𝑢ℎ𝑎𝑡𝑎𝑛 𝑠𝑎 𝑟𝑒𝑣𝑖𝑠𝑖𝑜𝑛

Coffee production tutukan sa Bukidnon multi-stakeholders

Posted on by cmn

Napili nga tutukan sa Bukidnon Multi-stakeholders ang produktong kape, sa gipahigayon nga dialogue ug pre-planning alang sa Investment Promotion, nga gipasiugdahan sa German International Development Cooperation (GIZ) ug Peace Sustainable Development Movers, Inc. (PSDM), sulod sa tulo ka adlaw, Setyembre 20-22, 2023, Mantangale Dive Resort, Balingoan, Misamis Oriental

Sunod nga proseso ang pagabuhaton sa grupo mao ang study mission alang sa public-private partnership, database system training, web development, investment forum, Training on Quality Graders, Development of Bukidnon Bean standards and campaign, ingon man ang uban pang mga lakang sa pamunuhan.

Sa dialogue ug pre-planning nga gipartisiparan sa Provincial Government of Bukidnon, mga cooperative sa Bukidnon, Department of Trade and Industry (DTI), National Commission on Indigenous Peoples (NCIP), ug uban pang ahensya sa gobyerno, ingon man sa pribadong sector, alang sa katuyuan sa GIZ, gituki ang State of Agriculture Investments alang sa probinsya sa Bukidnon, Identify the top Agricultural Commodities for Investment Promotion and Provincial Commodity Investment Plan (PCIP) and related conflicts, Current and Emerging opportunities with agribusiness in private sector and other institutional markets (Finca de Garces- coffee production and marketing), Public Food Procurement ug Identifying Investment Promotion Strategies and Partnership.

Ang maong kalihokan nagtumong nga maila ang mga conflictive issues ug major crops nga masulod sa pag-promote sa pamuhunan, diin nag-brainstorm ug nag-ila sa mga maayong lakang, mga hagit ug mga isyu nga may kalabutan sa nagpadayon nga pamuhunan, ug pagpasiugda sa sektor sa agrikultura sa probinsya sa Bukidnon, ingon man makakuha og impormasyon sa mga potensyal ug mga oportunidad sa pagpasiugda sa pamuhunan sama sa institutional marketing (public food procurement) ug public engagement, ug nag-ila sa angay nga mga estratehiya ug rekomendasyon sa palisiya nga motultol sa usa ka indicative plan alang sa conflict sensitive ug inclusive investment promotion sa mga paagi sa paghimo sa kompleto ug insaktong Enhanced Provincial Investment Promotion Plans (PIPP) alang sa probinsya sa Bukidnon. (LGU Bukidnon)

PVO Bukidnon, muhatag og libreng Animal Health Services

Posted on by Diego M. Hidalgo

Ang Provincial Veterinary Office (PVO) sa Bukidnon muhatag og libreng Animal Health Services karong bulan sa Setyembre

Base sa pahibalo sa PVO Bukidnon, sila maghatag sa libreng Animal Health Services sama sa; Rabies Vaccination, Deworming, vitamin supplementation ug consultation sa mga binuhing hayop.

Ang buhatan mi-partisipar sa ipahigayon nga Outreach Program sa Provincial Government of Bukidnon subay sa pagsaulog sa ika-123 nga Philippine Civil Service Anniversary.

Gawas niadtong petsa 13, ang programa ipahigayon sab karong petsa 20 ug 27 ning bulan.

Ipahigayon kini sa Centennial Stage, sa Capitol Grounds, sa Malaybalay City ug mag-sugod sa alas 9:00 sa buntag. (Diego M. Hidalgo)

123rd PCSA Celebration pormal nga gibuksan

Posted on by cmn

Pormal nga gibuksan sa Provincial Government of Bukidnon (PGB) ang kasaulogan sa ika-123 nga Philippine Civil Service Anniversary (PCSA) sa tibuok bulan sa Setyembre, dungan sa gipahigayon nga Monthly Convocation nga gi-sponsoran sa Provincial Planning & Development Office (PPDO), Provincial Human Resource Management Office (PHRMO) ug PGO-Provincial Tourism Division, Setyembre 4, 2023 sa Kaamulan Open Theater, Malaybalay City, Bukidnon

Sa mensahe ni Governor Roque gipasalig niini ang pagsiguro ug pagsuporta sa mga programa sa buhatan sa PHRMO alang sa pagpalambo sa kahanas ug professional development sa mga empleyado aron mapadayon ang paghatag sa excellent service ngadto sa publiko. Lakip sa gilantaw niini ang plano sa Bukidnon isip eco-friendly tourism ug ang mga programa sa lalawigan nga maggamit sa insaktong data alang sa mas epektibo ug malungtarong resulta.

Mitambong usab niini si Director Lourdez B. Pelaez sa Civil Service Commission (CSC) – Bukidnon Field Office, kinsa mipasabot nga ang PCSA karong tuiga nagtutok sa paghulma sa mga mamumuo sa gobyerno nga magmalahutayon, sa ingon, mas mapalig-on ang ilang organisasyon ug makahimo sa pagbarug taliwala sa mga pagsulay. Anaa usab ang mga miyembro sa 27th Sangguniang Panlalawigan pinangunahan ni Vice Governor Clive D. Quiño.

Sa maong higayon, gi-presenta ang mga kandidata sa Mr. & Ms. Civil Service 2023 sa matag PGB Clusters. Nakahan-ay usab ang mga kalihukan sa tibuok bulan sa Setyembre ang Outreach Program, Friendly Games, BCSS Orientation, Health and Wellness Activities, Fun Run, Cheer Dance, Indigenous Games, MusikLABAN ug uban pa.

Ang PCSA karung tuiga nagtangag sa tema nga “Transforming Public Service in the Next Decade: Honing Agile and Future-Ready Servant Heroes”, kansang selebrasyon gipaluyuhan sa Civil Service Commission (CSC) ubos sa Presidential Proclamation No. 1050 s. 1997. (LGU Bukidnon)

Ritwal sa pangampo sa IPMR, gipahigayon

Posted on by Diego M. Hidalgo

Gipahigayon ang isa ka ritwal sa pangampo alang sa bag-ong napili nga Provincial Indigenous Peoples Mandatory Representative (IPMR) niadtong Agosto 30, 2023

Base sa pahibalo sa Provincial Government of Bukidnon, ang ritwal gipahigayon sa opisina sa IPMR sa National ug Provincial Government Offices Building ning dakbayan.

Ang maong ritwal gipahigayon pinaagi ni Atty. Arbie “Bagani” Saway Llesis.

Gipanalangin ang maayong pagdumala sa bag-ong IPMR nga dili mapasagdan ang iyang katungdanan sa kinatibok-ang IP sa lalawigan, ug ilikay ang tibook probinsya sa Bukidnon sa gyera ug sa tanang katalagman.

Ang ritwal sa pangampo gipangunahan ni Bae Adelina “Inatlawan” Tarino sa tribung Bukidnon, uban sa mga City/Municipal IPMRs ning probinsya ug mga personahe sa PGO-Indigenous Affairs Division. (Diego M. Hidalgo)

0-17 anyos nga PWDs gipailalom sa mobile screening

Posted on by Diego M. Hidalgo

Gipailalom sa Mobile Screening ang mga Persons with Disabilities (PWDs), nga naa sa edad nga 0-17 anyos ug adunay kapansanan nga buot mupahimulos sa libreng operasyon ubos sa Tebow Cure Children’s Hospital (CCH)

Ang maong aktibidad gitimbayayongan sa Provincial Government of Bukidnon (PGB) niadtong Agosto 24, 2023, Kaamulan Open Theater, ning dakbayan.

Matod sa PGB, gihimo ang interview ug counselling para sa libreng serbisyo medical sama sa bungi, adunay gisi sa ngala-ngala, mga tiil nga baliko ug hiwi, mga batiis nga bakang ug kimpi, mga depormidad sa kamot og tiiil, mga bali nga bukog, mga nagatihin nga tiil (tight tendon), ug danlak.

Ang operasyon ipahigayon sa itakda nga petsa didto sa Davao City, kung aha ang transportasyon abagahon sa lokal nga kagamhanan diin sila naggikan. (Diego M. Hidalgo)