Nadakpan sa mga otoridad ang giila nga Top 1 Most Wanted Person sa Regional, Provincial, ug
Municipal level human sa gipatuman nga operasyon sa kapulisan sa Purok 5, Poblacion,
Impasug-ong, Bukidnon niadtong Agosto 3, 2026.

Matud sa police report, ang operasyon nahitabo pasado alas 6:20 sa gabii pinaagi sa hiniusang
paningkamot sa mga personnel sa Impasug-ong Municipal Police Station, Provincial Intelligence

Unit sa Bukidnon PPO, 1st Bukidnon Provincial Mobile Force Company, Bukidnon Provincial
Intelligence Team, ug Regional Intelligence Unit 10.
Nadakpan ang suspek nga si Marben Bete Panganoron, 40 anyos, lalaki, minyo, isa ka laborer,
ug residente sa Purok 5, Poblacion, Impasug-ong, Bukidnon.
Ang pagdakop gibase sa Warrant of Arrest nga gipagawas niadtong Oktubre 24, 2024 alang sa
kasong Qualified Rape (lima ka counts) ug Acts of Lasciviousness (duha ka counts) ubos sa
Article 336 sa Revised Penal Code in relation to Section 5(B) sa Republic Act 7610, as amended
by RA 11648.
Walay girekomendang piyansa ang maong kaso, ug ang suspek anaa na karon sa kustodiya sa
Impasug-ong Municipal Police Station alang sa dokumentasyon ug hustong disposisyon.
(melbmadera)