Gisulod sa wala mailang mga kawatan ang WENADIN Pawnshop and Jewelry sa Valencia ug gilimas ang mga importanting butang.

Si Police Lt. Col. Cipriano V. Bazar Jr., hepe sa kapolisan sa Valencia niingon, nga nadiskubri ang hitabo pasado alas sa 8:46 buntag sa May 27.

Apan wala nasulti kon unsang orasa nahitabo ang pagpangawat target ang Pawnshop nga nahimutang sa G. Laviña Avenue, Brgy. Poblacion, Valencia City.

Sa inisyal nga pakisusisa kapolisan, nasuta ang duh aka padlock sa roll-up door sa pawnshop ang gipamutol gamit ang gabas.

Sumala pa, gidala sa kawatan ang assorted pawned cellular phones, wrist watches lakip ang 12 gauge shotgun lakip ang tulo ka mga bala niini nga service firearm sa sekyu.

Hinuon, giingon sa report nga safety vault diin sulod ang deposited jewelries ug petty cash ang wala nahilabti o pugos nga naabri.

Ang duty investigator sa Valencia nagpahigayon sa crime scene processing, finger print lifting ug developing finger prints alang sa posibling pag-ila sa suspek. Gisusi sab ang footage sa CCTV.