Mokabat sa 119 ka jobseekers ang hired-on-the-spot (HOTS) atol sa Malaybalay 7/17 Job Fair
nga gipahigayon sa City Government of Malaybalay pinaagi sa Public Employment Service
Office (PESO), inubanan sa Department of Labor and Employment (DOLE), niadtong Hulyo 17
sa People’s Hall, New City Hall sa Barangay Casisang, Malaybalay City, Bukidnon.

Mitambong sa kalihokan ang 400 ka jobseekers, diin 28 ka employers ang mitanyag og 2,917 ka
job vacancies, nga naglangkob sa 2,323 ka lokal ug 594 ka overseas nga oportunidad sa trabaho.
Dugang pa, 210 ka kliyente ang nakapahimulos sa mga serbisyo nga gihatag sa walo ka partner
government agencies, lakip ang DOLE, Department of Migrant Workers (DMW), SSS,
PhilHealth, Pag-IBIG Fund, NBI, BIR, ug PSA.
Sumala sa City Government, ang Job Fair kabahin sa padayon nga paningkamot sa lokal nga
panggamhanan sa paghatag og mas sayon nga akses sa mga oportunidad sa trabaho ug paglig-on
sa pakigpartner tali sa gobyerno ug pribadong sektor aron mapalambo ang panginabuhian sa mga
taga Malaybalay. (melbmadera)