Napili si Bae Gawhanen Ma. Shirlene D. Sario isip bag-ong Indigenous Peoples Mandatory Representative (IPMR) sa Dakbayan sa Malaybalay human siyang saligan sa mga lumad nga lider sa maong dakbayan

Ang pagpili gihimo niadtong Hunyo 8, 2026, sa People’s Hall sa City Hall sa Malaybalay diin nagtapok ang mga representante sa Tribung Higaonon, Umayamnon, ug Bukidnon ubos sa pagdumala sa National Commission on Indigenous Peoples (NCIP)-Bukidnon Provincial Office nga gipangulohan ni Provincial Officer Ronaldo L. Baya-on.

Gisunod sa proseso sa pagpili ang tradisyonal nga pamaagi nga gitawag og “Batu hu Lawa,” usa ka kinaugaliang sistema sa pagpili nga naggamit og mga lugas sa mais isip simbolo sa kolektibong pagbuot ug panaghiusa sa mga tribu.

Si Bae Gawhanen, nga kaniadto nagserbisyo isip provincial officer sa NCIP Bukidnon, ang mopuli kang Datu Makayuba Renato Sumbongan, ang kasamtangang Provincial IPMR. Ang iyang pagpili nagpakita sa padayong pagpalig-on sa partisipasyon sa mga lumad sa lokal nga pangagamhanan ug sa pagpreserbar sa ilang kultura, katungod, ug tradisyon. (melbmadera)